جولداۋدا ەل دامۋىنا سەرپىن بەرەتىن كوپ ماسەلە ايتىلدى. سونىڭ ىشىندە بىرنەشەۋىن ەرەكشە اتاپ وتكىم كەلەدى. بىرىنشىدەن, سۋ جانە يرريگاتسيا مينيسترلىگى قۇرىلادى. بۇل مەن سايلانعان ۇلىتاۋ وبلىسى ءۇشىن وتە ماڭىزدى. بەتپاقدالانىڭ شەكاراسىندا ورنالاسقاندىقتان, سۋ تاپشىلىعى – ۇلكەن ماسەلە. سول سەبەپتى بۇل قادام وبلىسقا تىڭ سەرپىلىس بەرەدى دەپ ەسەپتەيمىن.
ەكىنشىسى, كولىك مينيسترلىگى قۇرىلماق. جول ماسەلەسى ۇلىتاۋ وبلىسى ءۇشىن دە وتە وزەكتى ەكەنى بەلگىلى. ويتكەنى ءوڭىر ەلىمىزدىڭ ءدال ورتاسىندا ورنالاسقان. قىزىلوردا مەن جەزقازعان تاسجولى ءالى سالىنىپ بىتكەن جوق. جاڭادان قۇرىلاتىن مينيسترلىك جول قۇرىلىسىنا ۇلكەن سەرپىن بەرەدى دەپ سەنەمىن.
تاعى ءبىر ايتا كەتەرلىگى, مەملەكەت باسشىسى «Otbasy bank» جۇمىسىن قايتا قاراۋ تۋرالى تاپسىرما بەردى. بۇرىن ونىڭ بولىمشەلەرى وبلىس ورتالىقتارىندا عانا بار-تۇعىن. ەندى مونوقالالارعا, اۋىلدى جەرلەرگە «Otbasy bank» جۇمىسى قولجەتىمدى بولادى.
جولداۋدا ايتىلعان وزەكتى تاقىرىپتىڭ ءبىرى – زورلىق-زومبىلىققا قاتىستى. پرەزيدەنت كامەلەت جاسىنا تولماعان بالالارعا زورلىق-زومبىلىق جاساعاندارعا جازانى كۇشەيتۋدى تالاپ ەتىپ وتىر. بۇل دا – قازىرگى قوعامداعى كۇيىپ تۇرعان ماسەلەنىڭ ءبىرى.
جولداۋدا ايتىلعان تاپسىرمالار ورىندالسا, ەكونوميكالىق تۇرعىدان نىعايۋعا جول اشىلادى. ەكونوميكانىڭ دامۋىن 2029 جىلعا دەيىن ەكى ەسە وسىرۋگە مۇمكىندىك تۋاتىنى انىق. ەندى العا قويىلعان باعىتتار بويىنشا جۇمىس ىستەۋ كەرەك.
ەربولات ساتىبالدين,
ءماجىلىس دەپۋتاتى