پاۆلودارلىق ءتارتىپ ساقشىلارىنا وبلىس اكىمى جاڭا قىزمەتتىك اۆتوكولىكتەردىڭ كىلتىن تاپسىردى.
پاۆلودار قالاسىندا «پوليتسيانىڭ قازاقستاندىق سەرۆيستىك مودەلى» قاناتقاقتى جوباسى ىسكە قوسىلعان. جوبا اياسىندا پوليتسيا جۇمىسىنا پروبلەمالىق-باعدارلاۋ ءتاسىلى ەنگىزىلىپ, حالىققا سەرۆيستىك قىزمەت كورسەتۋدى جاقسارتۋ بويىنشا شارالار قابىلدانىپ جاتىر. سونىمەن قاتار باسقا مەملەكەتتىك ورگاندارمەن, ۇكىمەتتىك ەمەس ۇيىمدارمەن ارىپتەستىكتى نىعايتۋ جولعا قويىلۋدا.
وسى باعىتتا قوعامدىق قاۋىپسىزدىكتى قامتاماسىز ەتۋ, ساپالى سەرۆيستىك قىزمەت كورسەتۋ ءۇشىن وبلىس اكىمى اسايىن بايحانوۆ پوليتسەيلەرگە Chevrolet «Nexia» ماركالى 20 قىزمەتتىك اۆتوكولىكتىڭ كىلتىن تابىس ەتتى. بۇل كولىكتەر ۋچاسكەلىك پوليتسيا ينسپەكتورلارىنا جانە پاترۋلدىك پوليتسيا باتالونى مەن روتاسىنىڭ ينسپەكتورلارىنا بەرىلەتىن بولادى. ويتكەنى ۋچاسكەلىك پوليتسيا ينسپەكتورى كوبىنە حالىقپەن تىعىز قارىم-قاتىناس جاسايدى. ءوز اكىمشىلىك ۋچاسكەسى اۋماعىندا ءبىر ءوزى كوپتەگەن ءىستى اتقارادى, ماسەلەن, وتباسىلىق قيىنشىلىقتاردى, كورشىلەر اراسىنداعى جانجالداردى شەشەدى, سەنىمسىز ازاماتتاردىڭ ەسەبىن جۇرگىزەدى, كوشە اباتتاندىرىلۋىن بۇزىلۋ فاكتىلەرىنىڭ جولىن كەسەدى.
ال باتالون ينسپەكتورلارى تاۋلىك بويى اۋلالار مەن كوشەلەردى پاترۋلدەۋدى قامتاماسىز ەتەدى, «102» وپەراتورىنىڭ پۋلتىنە كەلىپ تۇسەتىن شاقىرتۋلارعا شىعادى. بۇل قىزمەتتەردى اۆتوكولىكپەن جابدىقتاۋ ازاماتتاردىڭ وتىنىشتەرىنە جەدەل دەن قويۋعا سەپتىگىن تيگىزبەك.
– كەز كەلگەن قيىن ساتتە حالىق سىزدەرگە جۇگىنەدى, ويتكەنى ولار سىزدەردى ادىلەتتىلىكتىڭ تىرەگى رەتىندە كورەدى. الداعى ۋاقىتتا دا پاۆلودار پوليتسياسى وبلىس تۇرعىندارىنىڭ قۇقىقتارىن لايىقتى قورعايتىنىنا, ال جاڭا قىزمەتتىك اۆتوكولىكتەر قوعامدىق ءتارتىپتى ودان ءارى نىعايتۋعا جانە قىلمىسقا قارسى كۇرەستى كۇشەيتۋگە قىزمەت ەتەتىنىنە سەنىمدىمىن, – دەيدى ءوڭىر باسشىسى.
پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ وبلىس باسشىلىعىنا ىشكى ىستەر ورگاندارىنىڭ ماسەلەلەرىنە ۇنەمى نازار اۋدارىپ, جاردەم بەرىپ وتىراتىنى ءۇشىن العىسىن ءبىلدىردى. «بۇگىنگى تاڭدا پوليتسيانىڭ بارلىق ۋچاسكەلىك پۋنكتى «پوليتسيانىڭ قازاقستاندىق سەرۆيستىك مودەلى» قاناتقاقتى جوباسى اياسىندا جاڭا فورماتتا جۇمىس ىستەپ جاتىر. قازىر ولار كۇشەيتىلگەن, ۋچاسكەلىك ينسپەكتورلار جەكە مەكەنجايلارعا بەكىتىلمەگەن, بىراق اكىمشىلىك ۋچاسكەنىڭ بۇكىل اۋماعىنا قىزمەت كورسەتەدى. قىزمەتكەرلەرىمىزدىڭ جاڭا كولىكتەرمەن قامتاماسىز ەتىلۋى قۇقىق قورعاۋ ورگاندارىنىڭ جۇمىس تيىمدىلىگىن ارتتىرىپ, قوعامدىق قاۋىپسىزدىك پەن ازاماتتاردىڭ كونستيتۋتسيالىق قۇقىقتارىن قورعاۋدى قامتاماسىز ەتۋگە ءوز ىقپالى تيگىزەدى دەپ سەنەمىن», دەدى ول.