تاريحتان سىر شەرتكەن تۋىندى

كورمەنى ۇيىمداستىرۋداعى ماقسات – گرافيكا, ونىڭ ىشىندە لينوگراۆيۋرا مۇمكىندىكتەرىن كورسەتۋ جانە ونى كوپشىلىككە ناسيحاتتاۋ.

كوشپەلىلەر ومىرىنەن سىر شەر­تەتىن گرافيكالىق كور­­­مەگە كەلگەن سۋرەت­شىلەر, ونەر­تانۋشىلار مەن قو­ناقتار اۆتوردىڭ ەڭبەگىنە جىلى لەبىزدەرىن ءبىلدىرىپ, شى­عار­ما­شىلىق كوزقاراستارىن تا­نىتتى.

جازۋشى-پۋبليتسيست شار­حان قازىعۇلوۆ: «ۇلكەن اۋقىم­دا وي ايتاتىن ادام. ادام مەن الەمنىڭ بايلانىسى, قا­زىرگى قوعام مەن ادام, ءبىزدىڭ سالت-ءداستۇر مەن مادەنيەتىمىز – باتۋحان باي­مەن­نىڭ شىعارما­شىلىعىنىڭ ەڭ نە­گىزگى تاقى­رىپتارى», دەدى.

سۋرەتشى, پروفەسسور, «قۇ­لانشى» قا­زىرگى زامان ونەر ورتالىعى كۋ­راتورلىق كەڭەس­ىنىڭ تور­اعا­سى, ەۋرازيالىق ونەر اكادە­ميا­سىنىڭ پرەزيدەنتى لەيلا ماحات: «جالپى, گرا­فيكانىڭ ىشىندە گراۆيۋرا – سۋ­رەتشىلەر سيرەك اينالىساتىن سالا. اۆتور ءوز شىعارمالارى ارقىلى تۇتاس قوعام مەن ونداعى الەۋمەتتىك ماسەلەلەردى كورسەتىپ وتىر. بۇل تۋىن­دىلاردىڭ باستى قۇن­دىلىعى – قول جۇمىسى. ءبىر جۇمىستى ازىرلەۋگە اپتالاپ, كەيدە ءتىپتى ايلاپ ۋاقىت كەتەدى, ال بۇل جەردە 80-گە جۋىق تۋىندى قويىلعان».

ونەرتانۋشى, ونەر اكادە­ميا­سىنىڭ اكادەميگى نەل­لي شيۆرينا: «گرافيكانىڭ لينوگراۆيۋرا تاسىلىنە دەن قويعان سۋرەتشى قاعاز ورنىنا ماتانى قولدانا وتىرىپ, ۇلكەن تۋىن­دىلارمەن جۇمىس ىستەيدى. ال ونىڭ كولەمى تۇرعىسىندا اي­تار بولساق, الەمدە ءدال وسىنداي الىپ لينو­گرا­ۆيۋراعا قيىن­دىعىمەن قاتار تەحني­كالىق كۇردەلىلىگى ءۇشىن ەكىنىڭ ءبىرى وڭايشىلىقپەن بەتتەي المايدى», دەدى.

باتۋحان بايمەننىڭ ماڭگىلىك قۇندى­لىقتاردى ارقاۋ ەتكەن شىعارماشىلىعى كەڭ اۋقىمدى, ەپيكالىق تاقىرىپتارعا تەرەڭ بويلايدى. سۋرەتشى كۇللى دۇ­نيەنى ءدۇر سىلكىندىرگەن تۇركىلەر تاريحى مەن التىن وردانىڭ داۋىرلەگەن شاقتارىن ەرەكشە بەينەلەگەن.

سۋرەتشىنىڭ جەكە كورمەلەرى ەلىمىزدىڭ ءىرى قالالارىندا, سون­داي-اق گەرمانيا, تۇركيا, قىر­عىزستان, وزبەكستان, كيپر ەل­دەرىندە وتكەن.

كورمە ۇلتتىق مۋزەيدىڭ 4 قاباتتاعى №2 بەينەلەۋ زالىنا قويىلىپ, 78 دانا تۋىن­دى ۇسىنىلدى. كورمە 2023 جىل­­دىڭ 30 قىر­كۇيە­گىنە دەيىن جال­عاسادى.