قازاقستان قور بيرجاسى (KASE) ۇسىنعان مالىمەتكە سايكەس, 15:30-داعى جاعداي بويىنشا دوللاردىڭ ورتاشا سارالانعان باعامى 7,27 تەڭگەگە تومەندەپ, 452,34 تەڭگە بولدى, دەپ حابارلايدى Egemen.kz.
قىتاي ءيۋانىنىڭ ورتاشا سارالانعان باعامى دا تومەندەپ, 61,77 تەڭگەنى (-1,55) قۇرادى.
ۇلتتىق بانك ەۋرو باعامىن 501,69 تەڭگە, ءرۋبلدى 4,95 تەڭگە دەپ بەلگىلەدى.
اقشا ايىرباستاۋ ورىندارىندا دوللار 452-455 تەڭگە, ەۋرو 492-496 تەڭگە, رەسەي ءرۋبلى 4,75-4,97 تەڭگە ارالىعىندا ساتىلىپ جاتىر.
بۇل رەتتە مۇنايدىڭ الەمدىك باعاسى كوتەرىلە باستادى.
ماسەلەن, ICE Futures ەلەكتروندىق ساۋداسىندا Brent ماركالى قازان ايىنداعى فيۋچەرستەرىنىڭ قۇنى 0,92%-عا ءوسىپ, باررەلىنە 85,58 دوللاردى قۇرادى.
NYMEX ەلەكتروندىق ساۋداسىندا قازان ايىنداعى WTI مۇناي فيۋچەرستەرى 0,92%-عا ءوسىپ, باررەلىنە 81,40 دوللاردى قۇرادى.