اۋتسايدەردىڭ ايقىن جەڭىسى

«شاحتەر» مەن «وقجەتپەس» اراسىنداعى كەزدەسۋدە الاڭ يەلەرى كوكشەتاۋلىقتاردىڭ قاقپاسىنا جاۋاپسىز ەكى گول سوقتى – 2:0. 66-مينۋتتا يۆان سۆيريدوۆ ەسەپ اشسا, 90-مينۋتتا تەمۋر چوگادزە باسەكەنىڭ سوڭعى نۇكتەسىن قويدى. «كاسپي» ءوز الاڭىندا «قىزىلجارعا» ەسە جىبەردى. 58-مينۋتتا بوريس سميليانيچ نىسانانى ءدال كوزدەسە, كوزدى اشىپ-جۇمعانشا لۋكا يمنادزە مەرگەندىك تانىتتى. اقتاۋلىقتار ءبىر عانا گولمەن جاۋاپ قايىرۋعا جارادى – 1:2. كوش سوڭىندا كەلە جاتقان كوماندالاردىڭ ءبىرى – «اقسۋ» بۇل جولى وتە ساۋاتتى ويناپ, كوزدەگەن ناتيجەگە قول جەتكىزدى. «اتىراۋعا» قارسى ويىندا ولار ءتورت دوپتى قاقپاعا توعىتتى. بۇل گولداردىڭ اۆتورلارى – ليما مايلسون (ەكى رەت), گارسيا برايان جانە اندرەي سولوۆەي. قوناقتار ساپىنان ەۆگەني كوزلوۆ قانا دوپ سوعۋعا جارادى – 4:1.  

كەشە ەل بىرىنشىلىگىنىڭ 20 تۋرى اياسىندا تاعى ءتورت ويىن ءوتتى. بۇل باسەكەلەردە «جەتىسۋ» مەن «ماقتاارال», «استانا» مەن «قايسار», «ورداباسى» مەن «قايرات» جانە «اقتوبە» مەن «توبىل» كلۋبتارى شەبەرلىك بايقاستى.