ءۇشىنشى سىنىپ وقۋشىسى ءسالىم كوپەەۆ مەملەكەت باسشىسى قاسىم-جومارت توقاەۆقا ءوزى جاساعان جۇمىس ۇستەلى ورگانايزەرىن سىيعا تارتتى, دەپ حابارلايدى Egemen.kz.
«مەن كەزدەسۋگە كەشىگىپ قالدىم, دارەتحانادا بولعان ەدىم. مىناۋ سىزگە سىيلىق, ۇستەلگە ارنالعان ورگانايزەر. پارتا ءۇستى ۇنەمى مەكتەپ زاتتارىمەن بىلىعىپ جاتادى. سولارعا الاڭداپ, ۇلگەرمەي قالاسىڭ. اكەم ەكەۋىمىز بارلىق سىنىپقا ارنالعان وسىنداي ورگانايزەردىڭ جوباسىن جاسادىق. ونى ءوزىم باسىپ شىعاردىم», دەدى ءسالىم كوپەەۆ.
پرەزيدەنت جاس ونەرتاپقىشتىڭ سىيلىعىن ريزاشىلىقپەن قابىلداپ, وعان ساتتىلىك تىلەدى.
«جاقسى جۇمىس ىستەدىڭ», دەگەن قاسىم-جومارت توقاەۆ وقۋشىمەن بىرگە ەستەلىك سۋرەتكە ءتۇستى.