مامانداردىڭ بولجامىنا سايكەس بەيسەنبى, 17 تامىز كۇنى اتىراۋ, الماتى جانە استانا قالالارىندا قولايسىز مەتەورولوگيالىق جاعداي ساقتالادى, دەپ حابارلايدى Egemen.kz.
مەتەورولوگيالىق جاعدايلار اتموسفەرادا لاستاۋشى زاتتاردىڭ جينالۋىنا ىقپال ەتەدى. رەسپۋبليكانىڭ باسقا قالالارىندا قولايلى اۋا رايى ساقتالادى.
لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى - سينوپتيكالىق جاعدايدى بولجاۋ (جەل, جاۋىن-شاشىن, ىلعالدىلىق, اۋا تەمپەراتۋراسى).
قولايسىز اۋا-رايىندا ۇسىنىلادى:
كوشەدە, اسىرەسە ماگيسترالداردا نەمەسە باسقا لاستاۋ كوزدەرىنىڭ جانىندا وتكىزىلەتىن ۋاقىتتى ازايتىڭىز. بالالار مەن جۇكتى ايەلدەر ۇزاق سەرۋەندەۋدەن اۋلاق بولۋ كەرەك; سوزىلمالى وكپە اۋرۋلارى, جۇرەك-قان تامىرلارى, اللەرگيالىق اۋرۋلارمەن اۋىراتىن ادامدار, كوشەدە بولعان كەزدە وزىڭىزبەن بىرگە قاجەتتى ءدارى-دارمەكتەردى الىپ ءجۇرۋ كەرەك; اشىق اۋادا فيزيكالىق بەلسەندىلىكتى شەكتەڭىز. دەنە شىنىقتىرۋ مەن سپورت جابىق سپورت كەشەندەرىندە جۇرگىزىلۋى كەرەك.