16-17 قىركۇيەكتە سوفيادا ەلىمىزدىڭ تەننيسشىلەرى دەۆيس كۋبوگىنىڭ پلەي-وفف سايىسىندا بولگاريانىڭ ۇلتتىق قۇراماسىمەن كۇش سىناسادى.
كۇنى كەشە عانا قوس كوماندا قانداي قۇرامدا ونەر كورسەتەتىنى بەلگىلى بولدى. اتالعان باسەكەدە الەكساندر بۋبليككە ايرىقشا سەنىم ارتىلادى. قازىرگى كەزدە ول اتر رەيتينگىندە 26-ورىندى يەلەنىپ وتىر. 26 جاستاعى جەرلەسىمىزدىڭ ەڭ جاقسى كورسەتكىشى – 2013 جىلى لوندوندا وتكەن ۋيمبلدون ءتۋرنيرىنىڭ ءتورتىنشى كەزەڭىنە دەيىن جەتۋى. سونداي-اق الەكساندر سوڭعى كەزدەرى بىرقاتار حالىقارالىق دودادا ءتاۋىر ناتيجە كورسەتىپ ءجۇر. ودان بولەك, سوفيا كورتىندا تيموفەي سكاتوۆ (جەكەلەگەن رەيتينگتە 132-ورىن), ميحايل كۋكۋشكين (جەكەلەگەن رەيتينگتە 243-ورىن), الەكساندر نەدوۆەسوۆ (جۇپتىق رەيتينگتە 45-ورىن) جانە اندرەي گولۋبەۆ (جۇپتىق رەيتينگتە 74-ورىن) ونەر كورسەتەدى.
جارىس قوجايىندارىنىڭ «باستى قارۋى» – گريگور ديميتروۆ. الەمنىڭ 21 راكەتكاسى اتانىپ وتىرعان 32 جاستاعى بولگاريانىڭ بەتكەۇستارى كەزىندە ۋيمبلدون, US Open جانە اۋستراليانىڭ اشىق بىرىنشىلىگىنىڭ جارتىلاي فينالىنا دەيىن جەتىپ, اتر تۋرنيرلەرىن سەگىز رەت ۇتقان.