ەي دجەيمەن جۇدىرىقتاسۋى مۇمكىن

اۋەسقوي بوكسشىلار اراسىندا قازاقستاننىڭ ءۇش دۇر­كىن چەمپيونى اتانىپ, دۇنيە­جۇزىلىك ۋنيۆەرسيادادا كۇ­مىس مەدالدى موينىنا ىلگەن جان كوسوبۋتسكي كاسىپقوي رينگتە ءوزىن جاقسى قى­رىنان كورسەتىپ ءجۇر. 2017 جىلدان بەرى ول 19 رەت شارشى الاڭ­عا كوتەرىلىپ, بارلىق جەكپە-جەكتە جەڭىسكە جەتتى. سول باسەكەلەردىڭ بىرەۋى عا­نا سوڭعى راۋندقا دەيىن سوزىل­دى. ول – 2018 جىلدىڭ قىر­كۇيەگىندە ۋكراينالىق كون­ستانتين دوۆبىششەنكومەن وتكەن كەزدەسۋ ەدى. 34 جاس­تاعى ارقالىقتىڭ تۋماسى وزگە باسەكەلەردىڭ بارلى­عىندا قارسىلاستارىن نو­كاۋتقا جىبەردى.

جاننىڭ قارسىلاسى دا وتە مىقتى. 29 جاستاعى ەفە ادجاگابا نيگەريادا تۋىپ-وسكەنىمەن, ءبىراز جىلدان بەرى اقش-تا تۇرىپ جاتىر. ول – افريكا ويىندارىنىڭ جەڭىمپازى جانە دوستاستىق ويىندارىنىڭ قولا جۇل­دەگەرى. 2016 جىلى ريو-دە-جانەيرودا الاۋى تۇتانعان وليمپياداعا قاتىسىپ, شيرەك فينالدا ءبىزدىڭ يۆان دىچكوعا ەسە جىبەردى. ەفە دە كاسىپقوي بوكستاعى مانسابىن وسىدان التى جىل بۇرىن باستادى. سول ارالىقتا 18 كەزدەسۋ وتكىزىپ, 17 رەت جەڭىسكە جەتتى. 13 باسەكەنى مەرزىمىنەن بۇرىن اياقتادى. ول 2021 جىلدىڭ قازان ايىن­دا ءالى دە جەڭىلىستىڭ كەرمەك ءدامىن تاتپاعان كۋبا بوكس­شىسى فرەنك سانچەس فورەدەن عانا جەڭىلدى.

ءبىر ايتا كەتەرلىگى, اد­جا­گابا بارلىق جەكپە-جە­گىن اقش-تا وتكىزسە, كوسو­بۋتسكي امەريكادا العاش رەت ونەر كورسەتپەك. بۇعان دەيىن وتانداسىمىز بەلارۋس, رەسەي, گەرمانيا جانە ءباا-دە جۇدىرىقتاستى. ەڭ باستىسى, وسى باسەكەدە جەڭىسكە جەتكەن بوكسشى جىل سوڭىندا ۇلىبريتانيالىق ەنتوني دجوشۋامەن كۇش سىناسۋى مۇمكىن. ال ول ساڭلاق جايىندا نە بىلەمىز؟

ەنتونيدىڭ جاسى – 33-تە. ۋوتفورد قالاسىنىڭ تۋماسى 2011 جىلى اۋەسقويلار اراسىندا الەم چەمپيوناتىنىڭ كۇمىس جۇلدەگەرى اتاندى. باكۋدە وتكەن جارىستىڭ فينالىندا ول جەرگىلىكتى بىلعارى قولعاپ شەبەرى ماگومەدراسۋل مەدجيدوۆتان ءبىر عانا ۇپاي ايىرماشىلىعىمەن جەڭىلدى. 2012 جىلى لوندون وليمپياداسىندا باس جۇلدەنى ولجالادى. تۇماندى البيون ەلىندە الاۋى تۇتانعان ءدۇبىرلى دودانىڭ جارتىلاي فينالىندا دجوشۋا قازاقستاندىق يۆان دىچكونى جەڭسە, فينالدا يتاليالىق روبەرتو كاممارەللەنى قاپى قالدىردى.

2013 جىلدىڭ كۇزىندە ەنتوني دجوشۋا كاسىپقوي رينگتەگى تۇساۋكەسەر كەزدەسۋىن وتكىزىپ, يتاليانىڭ وكىلى ەمانۋەلە لەونى ءبىرىنشى راۋندتا-اق ۇرىپ جىقتى. بارلىعى 29 كەزدەسۋدىڭ 26-سىن ەي دجەي (دجوشۋانىڭ جاناما ەسىمى – رەد.) ءوز پايداسىنا شەشتى. كەزىندە ول – دەنيس باحتوۆ, كەۆين دجونسون, ديلليان ۋايت, چارلز مارتين, دومينيك بريزيل, ۆلاديمير كليچكو, دجوزەف پاركەر, الەكساندر پوۆەتكين, كۋبرات پۋلەۆ جانە تاعى باسقا ساڭلاقتاردى ساباعان.

ۇلىبريتانيانىڭ الىبى العاش رەت 2019 جىلدىڭ 1 ماۋسىمىندا ويدا-جوقتا اقش-تا تۇرىپ جاتقان تەگى مەكسيكالىق ەندي رۋيستەن نوكاۋتپەن جەڭىلىپ, الەم چەمپيونى اتاعىنان ايىرىلدى. ارادا التى اي وتكەن سوڭ رۋيستى ۇپاي سانىمەن ۇتىپ, كەتكەن ەسەسىن قايتاردى. ودان كەيىن دجوشۋا قاتارىنان ەكى رەت ۋكراينالىق الەكساندر ۋسيككە جول بەردى. بيىل ەي دجەي ەكى رەت رينگكە كوتەرىلىپ, 1 ساۋىردە امەريكالىق دجەرمەين فرانكليندى ۇپاي سانىمەن جەڭسە, 12 تامىزدا فينليانديالىق روبەرت حەلەنيۋستى جەتىنشى راۋندتا ەسىنەن تاندىردى.