قر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا وڭىرلەردىڭ جاڭا وقۋ جىلىنا دايىندىعى تالقىلاندى, دەپ حابارلايدى Egemen.kz.
پرەمەر-مينيستر وقۋ جىلى باستالعانعا دەيىن 52 جاڭا مەكتەپ اشۋ جوسپارلانىپ وتىرعانىن اتاپ ءوتتى. سونىمەن قاتار جاڭادان سالىنىپ جاتقان 15 مەكتەپ ۋاقىتىلى اشىلماي قالۋى مۇمكىن.
«مۇنداي وبەكتىلەردىڭ باسىم بولىگى تۇركىستان وبلىسى مەن استانا قالاسىندا ورنالاسقان. وسى باعىتتاعى جۇمىستاردى كۇشەيتىپ, جاڭا مەكتەپتەردىڭ ىسكە قوسىلۋىن قامتاماسىز ەتۋ قاجەت», دەدى ءاليحان سمايىلوۆ.
ۇكىمەت باسشىسىنىڭ ايتۋىنشا, 180 مەكتەپتە كۇردەلى جوندەۋ جۇمىستارى اياقتالۋعا جاقىن, بىراق مۇندا دا جۇمىستاردىڭ ۋاقىتىندا اياقتالماي قالۋ قاۋپى بار.