استانا قالاسىنىڭ اكىمى جەڭىس قاسىمبەك قالانىڭ تىنىس-تىرشىلىگى ءۇشىن ماڭىزدى نىساندار جايلى اقپارات ۇسىندى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
«قالانىڭ تىرشىلىگى توقتاۋسىز ءجۇرۋ ءۇشىن بىرقاتار ماڭىزدى نىسان سالامىز. ولار – «تۇران» جانە «وڭتۇستىك-شىعىس» گاز جىلۋ ستانتسيالارى, سونداي-اق قۇرىلىسى ۇزاققا سوزىلعان جەو-3 نىسانىن اياقتايمىز. قر پرەمەر-ءمينيسترى ءاليحان سمايىلوۆ ينفراقۇرىلىم نىساندارىنىڭ قۇرىلىس بارىسىن تەكسەردى», دەپ جازدى باس قالا اكىمى.
ايتا كەتسەك, ەلوردادا جىلىتۋ ماۋسىمى شامامەن 7 ايعا سوزىلادى. اكىمنىڭ جازۋىنشا, گاز جىلۋ ستانتسيالارى مەن جەو-3-ءتى الداعى جىلىتۋ ماۋسىمىندا كەزەڭ-كەزەڭىمەن پايدالانۋعا بەرۋ جوسپارلانىپ وتىر.
«ماسەلەن گاز جىلۋ ستانتسيالارى مەن جەو-3 وسى جىلىتۋ ماۋسىمىندا 1100 گكال/ساع جىلۋ بەرەدى, بۇل بىزگە پروفيتسيتكە شىعۋعا مۇمكىندىك بەرەدى. سونىمەن قاتار بيىل ءۇشىنشى گاز جىلۋ ستانتسياسىنىڭ قۇرىلىسىن باستاۋدى جوسپارلاپ وتىرمىز», دەپ جازدى جەڭىس قاسىمبەك.