كەيىنگى جىلدارى ەلىمىزدىڭ جاس تەننيسشىلەرى حالىقارالىق ءىرى تەننيس تۋرنيرلەرىندە ۇزدىكتەر قاتارىنان كورىنىپ, جارىس جەڭىمپازى اتانىپ ءجۇر.
ماسەلەن, وتكەن اپتادا بەلگيانىڭ حاسسەلت قالاسىندا وتكەن جاسوسپىرىمدەر اراسىنداعى ەڭ كونە «Young Champions Cup» تۋرنيرىندە 14 جاستاعى وتانداسىمىز ەۆا كورىشەۆا جارىس جەڭىمپازى اتاندى.
اقتوبە تەننيس مەكتەبىنىڭ تاربيەلەنۋشىسى ماڭىزدىڭ ءتۋرنيردىڭ فينالدىق باسەكەسىندە تۇركيالىق تەننيسشى زۋمرا بالكانمەن شەبەرلىك بايقاسىپ, ەكى سەتتە - 6:2, 7:5 ەسەبىمەن قارسىلاسىنان باسىم ءتۇستى. سونداي-اق جەرلەسىمىز ءتۋرنيردىڭ جارتىلاي فينالىندا وسى جارىستىڭ 5-راكەتكاسى رەتىندە تىركەلگەن پولشالىق باربارا كوچەتكانى 6:3, 7:6 ەسەبىمەن جەڭسە, شيرەك فينالدا الەمنىڭ 18-ءشى, وسى جارىستىڭ ءۇشىنشى راكەتكاسى حورۆاتيالىق اننا پەتكوۆيچتى ءۇش سەتتە 6:4, 4:6, 6:1 ەسەبىمەن جارىس جولىنان ىعىستىرعان.
«ەۋروپاداعى ەڭ بەدەلدى تۋرنيرلەردىڭ بىرىندە جەڭىسكە جەتكەنىمە ءالى دە سەنە الار ەمەسپىن. دەسە دە جاقسى ناتيجەگە قول جەتكىزۋگە بولاتىنىن ءتۇسىندىم. بىراق ءسىز تيتۋل تۋرالى ەشقاشان الدىن الا ويلامايسىز. بەلگىلى ءبىر ماتچ, ماقساتقا بىرتە-بىرتە قادام باسىپ كەلە جاتىرمىن, باپكەرىمە جانە ماعان سەنگەندەردىڭ بارلىعىنا العىس ايتقىم كەلەدى», دەدى ەۆا كورىشەۆا فينالدان كەيىن.