قر يدم-دە باسپاناعا مۇقتاج ازاماتتاردىڭ كەزەككە تۇرۋ ماسەلەلەرىنە بايلانىستى زەرتتەۋ جۇمىستارى ىسكە اسىرىلدى. يندۋستريا جانە ينفراقۇرىلىمدىق دامۋ مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ (تسيفرلى ۇكىمەتتى قولداۋ ورتالىعىنىڭ بازاسىندا), Invisible Government جوباسى اياسىندا «تۇرعىن ۇيگە كەزەك» برەينشترومينگىن وتكىزدى, دەپ حابارلايدى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
ايتالىق, دەنساۋلىق ساقتاۋ مينيسترلىگى, استانا قالاسىنىڭ تۇرعىن ءۇي باسقارماسى جانە تۇرعىن ۇينسپەكتسياسى, «وتباسى بانكى», ومىرلىك قيىن جاعدايدا قالعان بالالاردى قولداۋ ورتالىعى جانە استانا قالاسىنىڭ بالالار ءۇيى وكىلدەرىنىڭ قاتىسۋىمەن باسپاناعا مۇقتاج ادامدار قاتارى قالىپتاستىرىلدى. وعان جەتىم بالالار, 1 جانە 2 توپتاعى مۇگەدەكتىگى بار ادامدار كىردى.
برەينشتورمينگتىڭ بارىسىندا نەگىزگى ساناتتى ايقىنداۋمەن بىرگە ولاردىڭ باسىمدىلىعىنا بايلانىستى وزەكتى ماسەلەلەر دە ايتىلدى. ماسەلەن, جەتىم بالالاردىڭ كامەلەت جاسقا تولعاننان كەيىن جيناقتالعان جاردەماقىنى ماقساتسىز پايدالانۋ مەن زاڭناماداعى نورمالاردى وزگەرتۋ بويىنشا ۇسىنىستار جاسالدى.
سونىمەن قاتار رەسپوندەنتتەر ارنايى ونلاين ساۋالنامادان ءوتتى. ونىڭ ناتيجەسىندە ولار ۇزاق جىل بويى ءۇي كەزەگىن كۇتۋگە ءماجبۇر ەكەندىكتەرىن, جالعان اجىراسۋ فاكتىلەرىنىڭ بولۋى مەن مۇگەدەكتىكتى تاعايىنداۋ بويىنشا پروبلەمالاردىڭ بار ەكەندىگىن جەتكىزدى. وسىلايشا, اتالعان ساناتتاعى ازاماتتارعا قولداۋ كورسەتۋدى جالعاستىرۋ ءۇشىن رەينجينيرينگ تەتىگى بويىنشا كەرى بايلانىس جاسالدى.
برەينستورمينگتىڭ قورىتىندىسى بويىنشا نەگىزگى توپقا كىرەتىن ادامداردى تۇرعىن ءۇي كەزەگىنە قويۋ ءۇشىن بۇل قىزمەتتى پرواكتيۆتى فورماتتا كورسەتۋ باستاماسى كوتەرىلدى.
مينيسترلىك جوعارىدا ايتىلعان ساناتتارعا كىرەتىن ازاماتتاردى كەزەككە ءوتىنىشىنسىز تۇرعىزۋ ءۇشىن پرواكتيۆتى حابارلامانى جولداۋ ماقساتىندا كەزەكتە تۇرعانداردىڭ بىرىڭعاي اقپاراتتىق جۇيەسىنەن ەتالوندىق دەرەكتەردى اۆتوماتتى تۇردە الۋ ءۇشىن قاجەتتى اج-مەن ينتەگراتسيالاۋ بولىگىندە ءتيىستى جۇمىستاردى جۇرگىزەتىن بولادى.