شىمكەنت قالاسىندا وتكەن فۋتبول ماتچى كەزىندە جانكۇيەرلەر مەن ويىنشىلار توبەلەسىپ قالدى, دەپ حابارلايدى Egemen.kz.
كەشە شىمكەنت قالاسىنداعى «بيك» شاعىن ستاديونىندا «قايرات-جاستار» جانە «وڭتۇستىك» جاستار قۇرامالارىنىڭ كەزدەسۋى وتكەن ەدى.
ويىن بارىسىندا الماتىلىق كوماندا ويىنشىلارى مەن جەرگىلىكتى جانكۇيەرلەر اراسىندا جاعا جىرتىس بولدى.
تورەشىلەر ويىنشىلارعا شارا قولداندى. سونداي-اق جەرگىلىكتى كوماندانىڭ جانكۇيەرلەرى پوليتسيا بولىمىنە جەتكىزىلدى.
«پوليتسياعا شاعىم تۇسكەن جوق. ال جانكۇيەرلەرگە فۋتبول ماتچتارىندا ءوزىن-ءوزى دۇرىس ۇستاۋ جونىندە تۇسىندىرمە جۇمىستارى جۇرگىزىلدى», دەلىنگەن شىمكەنت قالاسى پوليتسيا دەپارتامەنتىنىڭ ءباسپاسوز قىزمەتى تاراتقان اقپاراتتا.