ءبىرىنشى اۋىر سالماقتا جۇدىرىقتاساتىن وتانداسىمىز ءالي بالوەۆ (12-1-1, 8 كو) كاسىپقوي بوكس شارشى الاڭىنداعى كەلەسى جەكپە-جەگىن قىتايدا وتكىزەدى.
بوكسشىلاردىڭ ستاتيستيكاسىن جۇرگىزەتىن BoxRec.com سايتىنىڭ مالىمەتى بويىنشا, جەرلەسىمىز ءوزىنىڭ 15-ايقاسىن 10 قىركۇيەك كۇنى قىتايدىڭ ۋحان قالاسىندا وتكىزۋى مۇمكىن. ازىرشە بالوەۆتىڭ قارسىلاسى كىم ەكەنى بەلگىسىز, بىراق ول اۋىر سالماقتاعى WBO Global تيتۋلى ءۇشىن جۇدىرىقتاسپاق.
30 جاستاعى ءالي بالوەۆ كاسىپقوي بوكستاعى ەڭ كەيىنگى جەكپە-جەگىن وسى جىلدىڭ 18 ناۋرىزىندا بىرىككەن اراب امىرلىكتەرىنىڭ دۋباي قالاسىندا وتكىزىپ, تورەشىلەردىڭ ءبىراۋىزدان شىعارعان شەشىمىمەن رەسەيلىك كۋرەيش ساگوۆتان (8-2-1, 4 كو) باسىم تۇسكەن بولاتىن. ءبىر ايتا كەتەرلىگى, ەكى بوكسشى ءبىرىنشى رەت 2022 جىلدىڭ قىركۇيەگىندە ماسكەۋدە جۇدىرىقتاسىپ, سول ايقاستا رەسەيلىك بوكسشى نوكاۋتپەن جەڭىسكە جەتكەن ەدى.