داڭقتى بالۋان گرەك-ريم كۇرەسىنەن قازاقستان ۇلتتىق قۇراماسىنىڭ باس جاتتىقتىرۋشىسى بولىپ تاعايىندالدى. بۇل تۋرالى قازاقستان كۇرەس فەدەراتسياسىنىڭ ءباسپاسوز قىزمەتى حابارلادى.
يۋري مەلنيچەنكو ەلىمىزدىڭ ەڭبەك سىڭىرگەن جاتتىقتىرۋشىسى ۇزاق جىلدار بويى گرەك-ريم كۇرەسىنەن ۇلتتىق قۇرامانىڭ كوشباسشىسى بولدى. سونداي-اق ول – كۇرەس تۇرلەرى تاريحىندا ەلىمىزدەن شىققان تۇڭعىش وليمپيادا چەمپيونى جانە قازاق سپورتشىلارى اراسىندا وليمپيا ويىندارىنىڭ التىن تۇعىرىنان كورىنگەن العاشقى ساڭلاق. سونىمەن قاتار يۋري مەلنيچەنكو – ەل چەمپيوناتىنىڭ جەتى دۇركىن چەمپيونى, ازيا بىرىنشىلىگىنىڭ ەكى دۇركىن جەڭىمپازى, ازيا ويىندارىنىڭ التىن جۇلدەگەرى, ەكى دۇركىن الەم چەمپيوناتىنىڭ كۇمىس مەدال يەگەرى.
يۋري مەلنيچەنكو وسىمەن ۇلتتىق قۇراما تىزگىنىن ەكىنشى مارتە ۇستاپ وتىر. ول بۇعان دەيىن 2000-2004 جىلدارى ۇلتتىق قۇراما مۇشەلەرىن جاتتىقتىرعان. مەلنيچەنكونىڭ باسشىلىعىمەن 2002 جىلى ەل قۇراماسى پۋسانداعى جازعى ازيا ويىندارىندا ەكى التىن مەدال جەڭىپ السا, افيناداعى وليمپيا ويىندارىندا ەكى جۇلدەگە قول جەتكىزگەن.