قىتايدىڭ چەندۋ قالاسىندا ۇيىمداستىرىلعان XXXI جازعى ۋنيۆەرسيادا مارەسىنە جەتتى. جەر-جاھاننىڭ 118 ەلىنەن كەلگەن 7 500 اتلەت سپورتتىڭ 18 ءتۇرى بويىنشا 269 مەدال جيىنتىعىن ساراپقا سالدى.
ءبىر اپتادان اسا ۋاقىتقا جالعاسقان ستۋدەنت سپورتشىلاردىڭ سايىسىندا ەل قۇراماسىنىڭ وكىلدەرى 20 مەدال (2 التىن, 7 كۇمىس, 11 قولا) ولجالاپ, جالپىكوماندالىق ەسەپتە 20-ورىنعا تابان تىرەدى. اتاپ ايتار بولساق, ۋنيۆەرسيادا باسەكەلەرىندە گيمناست ميلاد كاريمي مەن تاەكۆوندوشى ريتا باكىشەۆا توپ جارسا, كۇمىس جۇلدەگە ميلاد كاريمي, ناريمان قۇربانوۆ, مەرگەن ديانا تۇرسىنبەك, گيمناست ەلجانا تانيەۆا (ەكى رەت), مىلتىقتان 50 مەتردەن وق اتۋدان ەرلەر قۇراماسى جانە جەكەلەي سىندا نيكيتا چيريۋكين يە بولدى.
ال م.كاريمي, ە.تانيەۆا, تاەكۆوندودان, سەمسەرلەسۋدەن جانە 10 مەتردەن مىلتىقپەن وق اتۋدان ەلىمىزدىڭ ەرلەر ۇلتتىق قۇرامالارى, دزيۋدوشىلار – بەكارىس سادۋاقاس, سۇڭعات جۇباتقان جانە اسقار نارقۇلوۆ, ءجۇزۋ سپورتىنان ادىلبەك مۋسين, سونىمەن قاتار ۋشۋ سايىسىنان بەكسۇلتان قاسكەنوۆ پەن ايگەرىم تورەحانوۆ قولا جۇلدەگەرلەر اتاندى.
جالپىكوماندالىق ەسەپتە قىتاي قۇراماسى جەڭىسكە جەتتى. ولاردىڭ ەنشىسىندە ۋنيۆەرسيادانىڭ 178 مەدالى (103 التىن, 40 كۇمىس, 35 قولا) بار. ەكىنشى ورىنعا 93 جۇلدەمەن جاپونيا سپورتشىلارى جايعاسسا (21+29+43), ۇزدىك ۇشتىكتى وڭتۇستىك كورەيا قۇراماسى تۇيىندەدى – 58 (17+18+23).