العاشقى ويىنداعى جەڭىس

ەۋروپا ليگاسىنىڭ ءۇشىنشى ىرىكتەۋ كەزەڭىندە ويناپ جاتقان «استانا» دا, «لۋدوگورەتس» تە بيىلعى ەۋروكۋبوك جارىس­تا­رىن ءوز ەلدەرىنىڭ چەمپيونى رەتىندە چەمپيوندار ليگاسى­نان باستاعان ەدى. الايدا اتال­عان جارىستىڭ ەكىنشى كەزە­ڭىن­دە «استانا» زاگرەبتىڭ «دينا­مو­سىنان», «لۋدوگورەتس» سلوۆە­نيا­نىڭ «وليمپيا» كلۋبىنان ەكى ويىننىڭ قورىتىندىسى بو­يىنشا جەڭىلىپ, ەۋروپا ليگاسىنا ءتۇسىپ قالدى. ءسويتىپ, جوعارى ليگادا ساتسىزدىككە ۇشىراعان ەكى كوماندانىڭ جولى ەۋروپا ليگا­سىنىڭ ءۇشىنشى اينالىمىندا ءتۇيىسىپ وتىر.

قازىرگى تاڭدا ەكى كلۋب تا توقى­راۋ كەزەڭىن باستان وتكەرىپ جاتىر. سەبەبى كەيىنگى 10 جىلدان بەرى ەۋروكۋبوك باسەكەلەرىنىڭ توپتىق كەزەڭىنە قاتىسىپ جۇر­گەن بولگاريالىق كلۋبتىڭ بيىل­عى ەۋرودودا ويىندارىنداعى ناتيجەلەرى جان­­كۇيەرلەرىنىڭ كوڭىلىنەن شى­عىپ جاتقان جوق. «لۋدوگورەتس» ءبىرىنشى كەزەڭدە كوسوۆو چەمپيونى «بالكانى» كومانداسىن ارەڭ جەڭگەنىمەن, ەكىنشى اينالىمدا ەۋروكۋبوك ويىندارىنىڭ توپتىق كەزە­ڭىن­دە بىردە-ءبىر رەت ويناماعان «وليمپيا» كلۋبىنان جەڭىلىپ قالدى. ال ەلوردالىق ۇجىمنىڭ ىشكى چەمپيوناتتا دا, ەۋرو­كۋبوك باسەكەلەرىندە دە جولى بولار ەمەس. كەشەگى ويىنداعى گولدى ەسەپتەمەگەندە, ەل چەمپيون­دارى قاتارىنان ءتورت ماتچ بويى قارسىلاس كوماندالاردىڭ قاق­پا­سىنان ساڭىلاۋ تابا الماي جات­قان-دى. سونداي-اق ءتورت ويىننان بەرى جانكۇيەرلەرىن جەڭىسىمەن قۋانتا الماي ءجۇر ەدى.

وسى ءبىر ولقىلىقتىڭ ورنىن تولتىرۋعا گريگوري بابايان شاكىرتتەرى «لۋدوگورەتسپەن» وت­كەن كەشەگى ماتچتىڭ ءبىرىنشى مينۋتىنان باستاپ شابۋىلعا دەن قويىپ, قارسىلاس تاراپىنىڭ قاق­پاسىن تورۋىلداۋمەن بولدى. ناتيجەسىندە, «استانا» فۋت­بول­شىلارى ويىننىڭ ەكىن­شى مي­نۋتىندا-اق كەزدەسۋدىڭ ەسە­بىن اشۋى مۇمكىن ەدى. الايدا قور­عاۋشى يان ۆوروگوۆسكيدىڭ تەپكەن دوبى قاقپا ماڭدايشاسىنا ءتيىپ, كەرى قايتتى. ودان كەيىن دە ەلوردالىقتاردىڭ ۇيىمداس­تىر­عان شابۋىلدارى ناتيجەسىز اياقتالدى. ال قارسى شابۋىلعا يەك ارتقان قوناقتار ويىننىڭ 33-مينۋتىندا كەزدەسۋدىڭ ەسەبىن اشىپ, «استانا» ويىنشىلا­رىن تۇ­يىق­قا تىرەپ تاستادى. ايىپ الا­­ڭى­نا قاراي اسىرىلعان دوپقا قو­ناق­تاردىڭ قورعاۋشىسى نوا سون­كو-سۋندبەرگ ءبىرىنشى جە­تىپ, چوندريچ قورعاعان قاقپانىڭ تو­مەنگى بۇرىشىن ءدال كوزدەدى – 1:0.

دەگەنمەن, «لۋدوگورەتس» فۋتبولشىلارى مەن جانكۇيەرلەرىنىڭ قۋانىشى ۇزاققا سوزىلا قويعان جوق. ارادا جەتى مينۋت وتكەندە ءدال سونداي ستاندارتتى جاعداي­دان جاركو توماشەۆيچ گول سوعىپ, ۇزىلىسكە دەيىن تارازى باسىن تە­ڭەستىرىپ كەتتى – 1:1.

ەكىنشى تايم باستالا سالا ەلوردالىق فۋتبولشىلار ءبىرىن­شى كەزەڭدەگى باسىمدىعىن جال­عاستىرىپ, تاعى دا قاۋىپتى شابۋىلدار ۇيىمداستىرا باستادى. استانالىقتاردىڭ بىرنەشە ۇم­تىلىسى ءساتسىز اياقتالعانى­مەن, 53-مينۋتتا وڭ قاپتالدان اسىرىلعان دوپتى الەكساندر ماروچكين باسىمەن قاقپاعا ءدال باعىتتادى – 2:1. كەزدەسۋدىڭ سو­ڭىنا دەيىن «استانا» فۋتبولشىلارىندا ەسەپتى ەسەلەيتىن تاعى دا بىرنەشە مۇمكىندىك بولعانىمەن, ەكى گولدان ارتىق دوپ سوعۋعا شاماسى جەتپەدى.

ەندى ەكى كلۋب اراسىنداعى قا­رىمتا كەزدەسۋ 17 تامىز كۇنى رازگراد قالاسىندا وتەدى. ەگەر ەلوردالىق ۇجىم ەكى ويىن­نىڭ قورىتىندىسى بويىن­شا «لۋدوگورەتستەن» باسىم تۇسە­تىن بولسا, وندا ەۋروپا ليگا­سىنىڭ پلەي-وفف كەزەڭىندە نيدەر­لاندتىڭ «اياكس» كلۋبى­مەن كەزدەسەدى. ال جەڭىلىپ قال­عان جاعدايدا كونفەرەنتسيا ليگا­­سىنىڭ پلەي-وفف كەزەڭىندە «ۆال­ميەرا» (لاتۆيا) – «پار­تيزاني» (البانيا) جۇبىنىڭ جەڭىم­پازىمەن وينايدى.

سونداي-اق بۇگىن كونفەرەن­تسيا ليگاسىندا ونەر كورسەتىپ جات­قان «اقتوبە» جانە «تو­بىل» كو­ماندالارى ءۇشىنشى ىرىك­تەۋ كەزەڭىندەگى العاشقى ويىن­دا­رىن وتكىزەدى. بىلتىرعى ەل چەم­پيوناتىنىڭ كۇمىس جۇل­دەگەرى «اق­توبە» سىرت الاڭدا رۋمى­نيا­نىڭ «سەپسي» كومانداسىمەن ويناسا, «توبىل» قوستانايدا سول­­تۇستىك يرلانديانىڭ «دەرري سيتي» كومانداسىن قابىلدايدى.