دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتارلىق دارىگەر ايجان ەسماعامبەتوۆا بالالارعا ارنالعان جازعى لاگەرلەردى جوسپاردان تىس تەكسەرۋ بارىسى مەن العاشقى ناتيجەلەر جايلى اقپارات بەردى, دەپ حابارلايدى Egemen.kz.
ايجان ەسماعامبەتوۆانىڭ ايتۋىنشا, ءاربىر لاگەر ءوز قىزمەتىن باستاماس بۇرىن سانيتارلىق ەپيدەميالىق قورىتىندى الۋى ءتيىس. بيىل سانيتارلىق-ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنە 200-گە جۋىق ءوتىنىش كەلىپ ءتۇستى. 170 وتىنىشكە قورىتىندى بەرىلدى, 30-ى سانيتارلىق ەرەجەلەرگە سايكەس كەلمەگەن.
«سانيتارلىق-ەپيدەميولوگيالىق قورىتىندىنى بەرۋ كەزىندە رۇقسات بەرۋ باقىلاۋى جۇرگىزىلەدى. وسى كەزەڭدە ءبىز وبەكتىلەردىڭ ستاندارتتار مەن تالاپتارعا سايكەستىگىن تەكسەرەمىز: جيھازدىڭ, سۋمەن جابدىقتاۋدىڭ, كارىزدىڭ بولۋى. بىراق بۇل كەزدە وبەكت جۇمىس ىستەمەيتىندىكتەن, ونىڭ قىزمەتىن, تاماقتىڭ, مەديتسينالىق كومەكتىڭ ساپاسىن تەكسەرۋ مۇمكىن ەمەس», دەدى ايجان ەسماعامبەتوۆا.
سوڭعى ۋاقىتتا الەۋمەتتىك جەلىدە جازعى لاگەرلەردىڭ قىزمەتى تۋرالى جاعىمسىز اقپارات كوبەيدى. باس مەملەكەتتىك سانيتارلىق دارىگەردىڭ ايتۋىنشا, باس پروكۋراتۋرا بارلىق جازعى بالالار لاگەرلەرگە تەكسەرۋ جۇمىستارىن جۇرگىزە باستادى.
ء«بىزدىڭ اۋماقتىق دەپارتامەنتتەر بۇل تەكسەرىستەرگە قاتىسىپ جاتىر. 150 بالاعا ارنالعان لاگەر ءبىر ماۋسىمدا 300 بالاعا قىزمەت كورسەتكەن جاعدايلار دا انىقتالدى. بالالاردىڭ تاماقتانۋىنا بايلانىستى قۇقىق بۇزۋشىلىقتار دا تىركەلدى. ءونىم ساپاسىنىڭ قاۋىپسىزدىگىن راستايتىن قۇجاتتار جوق. ازىق-ت ۇلىك ساقتاۋ ورىندارى تالاپقا ساي كەلمەيدى. ال مەديتسينا قىزمەتكەرلەرى مەديتسينالىق تەكسەرۋدەن وتپەگەن», دەپ ءتۇسىندىردى سپيكەر.
ۆيتسە-مينيستر بالالار لاگەرلەرىنىڭ 80%-ى بيزنەستىڭ شاعىن تۇرىنە جاتاتىنىن اتاپ ءوتتى. 2020 جىلدان باستاپ قازاقستاندا شاعىن بيزنەستى تەكسەرۋگە موراتوري ەنگىزىلدى, وسىعان بايلانىستى ەكى جىلدان استام ۋاقىت بويى بالالار لاگەرلەرىن جوسپارلى تۇردە تەكسەرۋ جۇرگىزىلمەگەن.
كاريما جۇماعالي,
قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى