دەنساۋلىق ساقتاۋ مينيسترلىگى مەديتسينالىق ءبىلىم بەرۋ ساپاسى بويىنشا ەنگىزىلگەن تالاپتار اياسىندا ەلىمىزدىڭ 91 مەديتسينالىق كوللەدجىن مەملەكەتتىك اتتەستاتتاۋدان وتكىزدى, ونىڭ 11-ءى اتتەستاتتاۋدان وتە المادى, دەپ حابارلايدى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
مەملەكەتتىك اتتەستاتتاۋ دەنساۋلىق ساقتاۋ سالاسىنداعى تەحنيكالىق جانە كاسىپتىك ءبىلىم بەرۋ سالاسىنداعى وقۋ جۇمىس باعدارلامالارىنا, بازالىق كاسىپتىك مودۋلدەردى وقىتۋعا, مەملەكەتتىك جالپىعا مىندەتتى ءبىلىم بەرۋ ستاندارتىنىڭ تالاپتارىنا, كادرلىق الەۋەتكە, وقۋ-تاربيە جۇمىسىن ۇيىمداستىرۋعا قاتىستى بىرقاتار ماسەلەلەردى انىقتادى.
دەنساۋلىق ساقتاۋ مينيسترلىگىنىڭ وكىلدەرى انىقتالعان بۇزۋشىلىقتار ءبىر جىل ىشىندە جويىلۋعا ءتيىس ەكەنىن ەسكەرتىپ,ء تۇسىندىرۋ جۇمىستارىن جۇرگىزدى.
«قايتا اتتەستاتتاۋ كەزىندە بۇزۋشىلىقتار انىقتالعان جاعدايدا, قر دەنساۋلىق ساقتاۋ مينيسترلىگى دەنساۋلىق ساقتاۋ سالاسىنداعى ءبىلىم بەرۋ ۇيىمىنا بارۋ نەمەسە ءبىلىم بەرۋ قىزمەتىنە ليتسەنزيانى قايتارىپ الۋ ارقىلى باقىلاۋ جوسپارىنا ەنگىزۋ ءۇشىن اتتەستاتتاۋدان وتپەگەن مەديتسينالىق كوللەدجدەردىڭ تىزبەسىن قر ءبىلىم مينيسترلىگىنە جىبەرەدى», دەلىنگەن ۆەدومستۆو حابارلاماسىندا.