كەيىنگى ءۇش جىلدا ەلىمىزگە ساياحاتتايتىن ەكوتۋريستەر سانى ارتىپ كەلەدى. ماسەلەن, 2020 جىلى الەمنىڭ توعىزىنشى تەرريتورياسىنا 985 مىڭ ەكوتۋريست كەلگەن بولسا, 2022 جىلدىڭ سوڭىنداعى دەرەك بويىنشا ولاردىڭ سانى ەكى ەسەگە ارتىپ, 2 ميلليونعا جەتكەن.
«بۇل – ەلىمىزدەگى ەكولوگيالىق ءتۋريزمنىڭ وڭ باعىتتا دامىپ كەلە جاتقانىنىڭ جانە ەلدەگى ەكوتۋريزم مادەنيەتىنىڭ قالىپتاسقانىنىڭ كورسەتكىشى. سونداي-اق رەسپۋبليكانىڭ ۇلتتىق ساياباقتارىندا جاڭا تۋريستىك نىساندار – ۆيزيت-ورتالىقتار, كەمپينگتەر مەن گلەمپينگتەر سالىنىپ جاتىر. وندا قوناقتارعا جەرگىلىكتى ەكوجۇيە جانە جابايى جانۋارلار, تۋريستىك مارشرۋتتار, تاسىمالداۋ پۋنكتتەرى, ت.ب. اقپارات بەرىلەدى. مىسالى, «ايۋساي» ۆيزيت-ورتالىعىندا تۋريستەردىڭ قاۋىپسىزدىك جۋرنالىنا ءارتۇرلى سوقپاق جولدارمەن شىعاتىن ساياحاتشىلاردى تىركەيدى. ەگەر دەمالۋشىلار ساعات 22.00-گە دەيىن تۇرار جايىنا ورالماسا, ۆيزيت-ورتالىق قىزمەتكەرلەرى ولاردى ىزدەۋدى باستايدى», دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.