تەننيستەن ەلىمىزدىڭ ءبىرىنشى, الەمنىڭ 28-راكەتكاسى الەكساندر بۋبليك كانادانىڭ تورونتو قالاسىندا شىمىلدىعى تۇرىلگەن اتر 1000 ساناتىنداعى ءتۋرنيردىڭ العاشقى اينالىمىندا جەڭىلىپ قالدى.
جۇلدە قورى 6,6 ملن اقش دوللارىن قۇرايتىن جارىستىڭ العاشقى اينالىمىندا وتانداسىمىز ەڭ ىڭعايسىز قارسىلاس, پولشالىق حۋبەرت گۋركاچپەن شەبەرلىك بايقاستى. بۋبليك وسى تۋرنيرگە دەيىن الەمدىك رەيتينگتە 17-ورىندا تۇرعان تەننيسشىمەن كورتتا التى مارتە كەزدەسىپ, سونىڭ بەسەۋىندە قارسىلاسىنا جول بەرگەن. تەك ءبىر عانا ماتچتا الەكساندردىڭ مەرەيى ۇستەم بولعان. ەكى تەننيسشى اراسىنداعى جەتىنشى باسەكەدە دە پولياك تەننيسشىسىنىڭ باعى جانىپ, ەكى سەتكە جالعاسقان ماتچتا گۋركاچ 6:3, 7:6 (7:2) ەسەبىمەن مىقتىلىق تانىتتى. ەندى ا.بۋبليك تورونتوداعى جارىستى جۇپتىق سىندا جالعاستىرادى.
سونداي-اق كانادانىڭ مونرەال قالاسىنداعى WTA 1000 تۋرنيرىنە ارنايى شاقىرتۋ العان يۋليا پۋتينتسەۆا كەشە كەشكىسىن العاشقى اينالىمداعى ءبىرىنشى ويىنىن الەمنىڭ 53-راكەتكاسى, امەريكالىق بەرناردا پەرامەن وتكىزدى. ايەلدەر اراسىنداعى ەلىمىزدىڭ ءبىرىنشى راكەتكاسى ە.رىباكينا وسى ءتۋرنيردىڭ ءۇشىنشى اينالىمىنا شىعۋ ءۇشىن بۇگىن تاڭدا امەريكالىق دجەننيفەر برەديمەن سىنعا ءتۇستى.