سقو پوليتسەيلەرى جول شەتىنەن ەكى ادامنىڭ دەنەسى مەن اربادا جاتقان كىشكەنتاي بالانى انىقتادى. ولاردى قاققان كولىكتىڭ وقيعا ورنىنان قاشىپ كەتكەنى بەلگىلى بولدى, دەپ حابارلايدى Egemen.kz.
«جەدەل-ىزدەستىرۋ ءىس-شارالارى بارىسىندا وبرازەتس اۋىلىندا جول اپاتىنىڭ بەلگىلەرىنە ۇقساس سىرتقى زاقىمدارى بار Toyota Land Cruiser اۆتوكولىگى انىقتالدى. اۆتوكولىكتىڭ يەسى - پەتروپاۆل قالاسىنىڭ 39 جاستاعى تۇرعىنى ۇستالدى. جاۋاپ الا كەلە ەر ادام ەكى جاياۋ جۇرگىنشىنى قاعىپ كەتكەنىن جانە وقيعا ورنىنان كەتىپ قالعانىن مويىندادى. جۇرگىزىلگەن مەديتسينالىق كۋالاندىرۋ تoyota Land Cruiser جۇرگىزۋشىسىنىڭ الكوگولدىك ماساڭ كۇيدە بولعانىن كورسەتتى», دەلىنگەن سقو پد ءباسپاسوز قىزمەتىنىڭ حابارلاماسىندا.
5 تامىزدا ساعات 23:40-تا ماعجان جۇماباەۆ اۋداندىق پوليتسيا ءبولىمىنىڭ كەزەكشى بولىمىنە قاراقوعا مەن نادەجكا اۋىلدارىنىڭ اراسىنداعى جولدىڭ شەتىندە ەش قيمىلسىز ەكى ادامنىڭ جاتقانى تۋرالى حابارلاما كەلىپ ءتۇستى. وقيعا ورنىنان پوليتسيا قىزمەتكەرلەرى وسى اۋداننىڭ 38 جانە 35 جاستاعى تۇرعىندارىن, ەر ادام مەن ايەل ادامنىڭ دەنەسىن انىقتادى.
سونىمەن قاتار وقيعا ورنىنان الىس ەمەس جەردە بالالارعا ارنالعان قولاربادا جاتقان كىشكەنتاي بالا تابىلدى. ول جەدەل جاردەم كولىگىمەن ورتالىق اۋداندىق اۋرۋحاناعا جەتكىزىلدى. 2022 جىلى تۋعان بالا جاراقاتتار الماعانى بەلگىلى بولدى. قازىر بالا ورتالىق اۋداندىق اۋرۋحانانىڭ بالالار بولىمىندە جاتىر.