ەلوردانىڭ «بارىس» كلۋبى قۇرلىقتىق حوككەي ليگاسىنىڭ (قحل) جاڭا ماۋسىمى الدىندا رەسەيدىڭ ومبى قالاسىندا وتەتىن ۆيكتور بلينوۆتى ەسكە تۇسىرۋگە ارنالعان «بلينوۆ كۋبوگىنە» قاتىسادى.
20-25 تامىز كۇندەرى ومبىداعى «G-Drive ارەنا» سپورت كەشەنىندە وتەتىن تۋرنيردە «بارىس» كومانداسىنان بولەك, جارىس قوجايىنى «اۆانگارد», ءياروسلاۆلدىڭ «لوكوموتيۆ», نيجنەكامسكىنىڭ «نەفتەحيميك» جانە وفەنىڭ «سالاۆات يۋلاەۆ» كلۋبتارى قاتىسادى. تۋرنير اينالمالى جۇيە بويىنشا ۇيىمداستىرىلادى.
جارىس كەستەسىنە سايكەس «بارىس» العاشقى ويىنىن 20 تامىزدا «سالاۆات يۋلاەۆپەن», سودان سوڭ 21 تامىز كۇنى «لوكوموتيۆپەن» وتكىزەدى. ال 23 تامىزدا «اۆانگاردپەن», 25 تامىزدا «نەفتەحيميكپەن» كەزدەسەدى.