11 تامىزدا ەقىۇ توراعاسى, سولتۇستىك ماكەدونيانىڭ سىرتقى ىستەر ءمينيسترى بۋيار وسماني قازاقستانعا رەسمي ساپارمەن كەلەدى. بۇل تۋرالى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ حابارلادى, دەپ جازادى Egemen.kz.
«11 تامىزدا ەقىۇ قازىرگى توراعاسى, سولتۇستىك ماكەدونيانىڭ سىرتقى ىستەر ءمينيسترى بۋيار وسماني قازاقستانعا رەسمي ساپارمەن كەلەدى. ساپار اياسىندا ب.ءوسمانيدىڭ ەل باسشىلىعىمەن, سەنات توراعاسى ماۋلەن اشىمباەۆپەن, پرەمەر-مينيستر ورىنباسارى – سىرتقى ىستەر ءمينيسترى مۇرات نۇرتىلەۋمەن, ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆامەن كەزدەسۋلەر جوسپارلانىپ وتىر», دەدى ايبەك سمادياروۆ مينيسترلىكتە وتكەن اپتالىق بريفينگ بارىسىندا.
قر ءسىم وكىلىنىڭ ايتۋىنشا, كەلىسسوزدەر بارىسىندا قازاقستاننىڭ ەقىۇ-مەن ءوزارا ءىس-قيمىلىنىڭ وزەكتى ماسەلەلەرى, ەلىمىز بەن سولتۇستىك ماكەدونيا ىنتىماقتاستىعىن ودان ءارى دامىتۋ پەرسپەكتيۆالارى تالقىلانادى.