ءدىني ساۋات – دىلگە ساۋاپ

مينيسترلىكتىڭ ءدىن سالا­سى­ن­­داعى جۇمىسىنىڭ باس­تى سترا­تەگيالىق باعىتى – مەم­لە­كەت دامۋىنىڭ زايىر­لى قا­عي­داتتارىن نىعايتۋعا, ۇي­لە­سىمدى مەملەكەتتىك-كون­فەس­سيالىق قا­تى­ناستاردى قام­تا­ماسىز ەتۋگە جانە قوعامدا راديكالدى يدەولوگيانىڭ تارالۋىنا جول بەرمەۋگە نە­گىز­دەلگەن. بۇل ءدىن سالا­سىن­­داعى جۇمىس اتاۋلى اقپا­رات­تىق-ءتۇسىندىرۋ, ينتەرنەت كەڭىستىكتە ءدىني ەكسترەميزمگە قارسى ناسيحاتتاۋ مەن وڭالتۋ جانە دەراديكاليزاتسيالاۋ جۇ­مىس­تارى نەگىزىندە ىسكە اسىرىلىپ جاتىر.

مينيسترلىك حالىقتىڭ دىن­تانۋلىق ساۋاتتىلىعىن ارتتىرۋعا, ءدىن سالاسىنداعى مەملەكەتتىك ساياساتتىڭ با­سىم­دىقتارىن تۇسىندىرۋگە, ءدىني ەكسترەميزمنىڭ الدىن الۋ جانە راديكالدى ءدىني يدەو­لو­گيالارعا قارسى يممۋ­ني­تەتتى قالىپتاستىرۋعا 3 028 ادامنان قۇرالعان 228 وڭىرلىك اق­پا­­راتتىق-ءتۇسىندىرۋ توبىن جۇ­مىل­دىرعان. ناتيجەسىندە, بيىل ءبىرىنشى جارتىجىل­دىق­تا 17 500 ءىس-شارا ۇيىم­داستىرعان. وعان 700 مىڭ­عا جۋىق ازامات قاتىسقان.

راديكالدى ءدىني اعىمدار يدەولوگياسى نەگىزىنەن ينتەرنەت رەسۋرستار ارقىلى تارالاتىنى بەلگىلى. اقپارات جانە قوعامدىق دامۋ مينيسترلىگى دەرە­گىن باع­دارلاساق, وڭالتۋ جۇ­مىسىنا دەسترۋكتيۆتى ءدىني اعىم يدەولوگيالارىن ناسي­حاتتاۋعا قارسى تۇرا الا­تىن جانە ازاماتتاردى ءداستۇرلى يسلام پرينتسيپتەرىنە جانە قا­زاق­ستان قوعامى­نىڭ قۇن­دىلىقتارىنا بەيىم­دەي­­تىن جوعارى بىلىكتى تەو­لوگتەر مەن پسيحولوگتەر, قازاقستان مۇسىلماندارى ءدىني باس­قار­ما­سىنىڭ رەسۋرس­تارى تار­تىلعان. جالپى, ءتۇسىن­دىرۋ جۇ­مىستارىنىڭ ناتي­جەلەرى بو­يىنشا ءدىني ەكسترەميزم يدەو­لوگياسىن ۇستا­نا­تىن ادامدار سانىنىڭ ازايۋى باي­قالىپتى. دەمەك ەلىمىزدە راديكالدى جانە ەكسترەميستىك كوزقاراستار مەن يدەيالاردى قابىلداماۋ احۋا­لى قالىپ­تاس­قان. بۇعان قوسا سالا وكىلدەرى شەتەلدىك ميسسيو­نەرلەر تاراپىنان 10 قۇقىق بۇزۋشىلىقتى انىقتاعان.

جالپى, 2023 جىلدىڭ ءىى توقسانىنىڭ قورى­تىن­دى­سىندا ەل اۋماعىندا 373 شە­تەلدىك ميس­سيونەر تىر­كەل­گەن. ونىڭ ىشىندە پراۆوسلاۆ, كاتوليك, يۋدايزم, ەلۋىنشىلەر, ادۆەنتيستەر, يەگوۆا كۋاگەرلەرى تاعى باسقالارى بار.