قازاقستاننىڭ ءبىرىنشى, الەمنىڭ 25-راكەتكاسى الەكساندر بۋبليك اقش-تىڭ ۆاشينگتون قالاسىندا ءوتىپ جاتقان ATP 500 ءتۋرنيرىنىڭ ءۇشىنشى اينالىمىنا شىعا المادى.
مۇحيتتىڭ ارعى بەتىندەگى جۇلدە قورى 1,9 ملن دوللاردى قۇرايتىن ءتۋرنيردى ەكىنشى اينالىمنان باستاعان جەرلەسىمىز ءۇشىنشى كەزەڭگە شىعۋ ءۇشىن وسىدان بىرنەشە جىل بۇرىن الەمدىك رەيتينگتە توپ-20 تەننيسشىنىڭ قاتارىندا ءجۇرىپ, تالاي تۋرنيردە دارا شىققان تاجىريبەلى فرانتسيالىق گاەل مونفيسپەن شەبەرلىك بايقاستى.
جاراقاتىنا بايلانىستى كەيىنگى جىلدارى بىرقاتار جارىسقا قاتىسا الماي, دۇنيەجۇزىلىك رەيتينگتە 323-ورىنعا دەيىن ءتۇسىپ قالعان گ.مونفيس 1 ساعات 23 مينۋتقا جالعاسقان باسەكەدە ا.بۋبليكتى ەكى سەتتە بەت قاراتپاي جەڭىپ كەتتى – 6:3, 6:4. ماتچ بارىسىندا بۋبليك 3 ەيس جاساپ, 6 برەيك-پوينتتىڭ تەك بىرەۋىن عانا پايدالانا السا, فرانتسيالىق تەننيسشى 5 ەيس, 3 برەيكپەن (10 برەيك-پوينت) كوزگە ءتۇستى.