بۇگىن, 1 تامىزدا قاراعاندى وبلىسىنىڭ بالالارعا ارناۋلى الەۋمەتتىك قىزمەتتەر كورسەتۋ ورتالىعىنان تاعى ەكى بالا اۋرۋحاناعا جەتكىزىلدى, دەپ حابارلايدى Egemen.kz.
ەسكە سالا كەتسەك, قاراعاندى وبلىستىق بالالارعا ارناۋلى الەۋمەتتىك قىزمەت كورسەتۋ ورتالىعىندا بالالار جاپپاي ۋلانعانى جونىندە اقپارات تارادى. وبلىس اكىمدىگىنىڭ وكىلدەرى 30 شىلدەدە ورتالىقتاعى ەكى بالانىڭ ءىشى ءوتىپ, وزدەرىن ناشار سەزىنگەنىن ايتتى. ەرتەسىنە, ياعني 31 شىلدەدە اتالمىش مەكەمەنىڭ تاعى 10 بالاسى ءدال سونداي بەلگىلەرمەن اۋرۋحاناعا جەتكىزىلدى. وكىنىشكە قاراي, ءبىر بالا اۋرۋحانادا كوز جۇمدى.
وسى جاعدايعا بايلانىستى دەنساۋلىق ساقتاۋ ءمينيسترى اجار عينيات قاراعاندىعا باردى.
ايتا كەتسەك, باس پروكۋراتۋرا وسى ىسكە قاتىستى قر قك-ءنىڭ 304-بابىنىڭ 2-بولىگى (اۋىر زارداپتارعا اكەپ سوقتىرعان سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ) بويىنشا سوتقا دەيىنگى تەرگەۋ باستالعانىن العا تارتتى.