قىتاي استاناسى بەيجىڭدە «دوكسۋري» سۋپەر تايفۋنى سالدارىنان 29 شىلدەدەن بەرى تولاسسىز جاڭبىر جاۋىپ جاتىر, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
1 تامىزداعى جاعداي بويىنشا بەيجىڭدە نوسەر جاڭبىر سالدارىنان بولعان سۋ تاسقىنىنان كەمىندە 11 ادام قازا تاۋىپ, 27 ادام ءىز-ءتۇزسىز جوعالعان.
قۇربان بولعانداردىڭ كوپشىلىگى - قاتتى جاڭبىردان ەڭ كوپ زارداپ شەككەن قالا ماڭىنداعى مەنتۋگۋ اۋدانىنىڭ تۇرعىندارى.
رەسمي اقپاراتقا سايكەس, بەيجىڭدە 44 مىڭنان استام ادام سۋ تاسقىنىنان زارداپ شەكتى, ال 127 مىڭ ادام قاۋىپسىز ايماقتارعا كوشىرىلگەن.
قازىر قۇزىرلى ورگاندار سۋ تاسقىنىنان كەلگەن شىعىندى ەسەپتەپ جاتىر.