ەندى ەلەكتروندىق ۇكىمەت پورتالى ارقىلى تەوريالىق نەمەسە پراكتيكالىق ەمتيحانداردى تاپسىرۋعا ءوتىنىش بەرەردە بيومەتريالىق سايكەستەندىرۋ راسىمىنەن ءوتۋ قاجەت. بۇل تۋرالى ىشكى ىستەر مينيسترلىگىنىڭ بۇيرىعىندا جازىلعان, دەپ حابارلايدى Egemen.kz.
«تەوريالىق ەمتيحان وتكىزگەندە كانديدات ماتەريالدار الماسىپ, تەوريالىق ەمتيحان تاپسىرۋ زالىنان شىعىپ, قاعاز, ەلەكتروندىق تاسىمالداعىشتارداعى اقپاراتتى جانە قابىلداۋشى-بەرۋشى ەلەكتروندىق قۇرىلعىلاردى پايدالانسا, ەمتيحان قابىلدانبايدى. ەمتيحانداردى قابىلداۋ جانە جۇرگىزۋشى كۋالىكتەرىن بەرۋ قاعيدالارىن بۇزۋ تۋرالى اكت جاسالىپ, كانديداتقا «تاپسىرعان جوق» دەگەن باعا قويىلادى. تەوريالىق ەمتيحاندى قايتا تاپسىرۋعا ۇمىتكەر كەمى ءۇش ايدان كەيىن جىبەرىلەدى», دەلىنگەن بۇيرىقتا.
جۇرگىزۋشى كۋالىگىن الۋعا تاپسىرعاندا ەمتيحان كەزىندە مۇنداي راسىمنەن ءۇش رەت وتەدى: ەمتيحان الدىندا, ەمتيحان كەزىندە جانە ەمتيحان اياقتالعان سوڭ.
تەوريالىق ەمتيحان تاپسىرۋعا ارنالعان سىنىپتار سيگنالداردا باسۋعا ارنالعان ارنايى جابدىقتار, بەينەباقىلاۋ كامەرالارى مەن ەمتيحاننىڭ تازا وتكەنىن قامتاماسىز ەتەتىن قۇرالدارمەن جابدىقتالۋى قاجەت.