ەلىمىزدە جاس تالانتتى فۋتبولشىلاردىڭ جولىن اشۋعا باعىتتالعان «Super Bol 2.0» جوباسىنىڭ ەكىنشى ماۋسىمى ءوز مارەسىنە جەتتى.
بىرنەشە اي بويى ەلىمىزدىڭ ءار ايماعىنان ىرىكتەلىپ, جۇزدەن جۇيرىك شىققان فۋتبولشىلار وتكەن سەنبىدە «استانا ارەنا» ستاديونىندا «QJ league» قۇراماسىمەن جولداستىق ماتچ وتكىزدى. كەزدەسۋگە فۋتبولدان الەم چەمپيوناتتارىندا ەڭ كوپ ماتچتا جۇمىس ىستەگەن وزبەكستاندىق راۆشان يرماتوۆ تورەلىك جاسادى.
جاس فۋتبولشىلار اراسىندا وتكەن اسا تارتىستى كەزدەسۋدە «QJ league» جىگىتتەرى 6:1 ەسەبىمەن جەڭىسكە جەتتى. ايتا كەتەيىك, «Super Bol» جوباسى – DARA پرەزيدەنتتىك باستامالار قورىنىڭ جانە Freedom Holding Corp جوباسىنىڭ باسشىسى تيمۋر تۋرلوۆتىڭ قولداۋىمەن قولعا الىنعان بىرەگەي جوبا.