تەننيستەن جۇپتىق سىنداعى ەلىمىزدىڭ ءبىرىنشى, الەمنىڭ 25-راكەتكاسى اننا دانيلينا گەرمانيانىڭ گامبۋرگ قالاسىندا وتكەن WTA 250 ساناتىنداعى ءتۋرنيردىڭ جەڭىمپازى اتاندى.
جارىستىڭ 1-راكەتكاسى بولىپ تىركەلگەن اننا دانيلينا مەن رەسەيلىك الەكساندرا پانوۆا فينالدا چەحيالىق ميريام كولودزيەەۆا جانە امەريكالىق انجەلا كۋليكوۆامەن باس جۇلدەنى ساراپقا سالدى. ەكى سەتكە جالعاسقان ماتچتىڭ ءبىرىنشى پارتياسىندا دانيلينا – پانوۆا جۇبى قارسىلاستارىنان ەش قيىندىقسىز 6:4 ەسەبىمەن باسىم ءتۇستى. ەكىنشى سەتتە دە ولار اسا قاتتى قينالا قويعان جوق. ءتورتىنشى گەيمنەن كەيىن 3:1 ەسەبىمەن العا شىققان دانيلينا مەن پانوۆا كەيىن تاعى ءبىر برەيك جاسادى – 5:2. ال وزدەرى ماتچقا دوپ بەرگەندە دە ءمۇلت كەتكەن جوق – 6:2. بۇل – اننا دانيلينانىڭ كارەراسىنداعى 27-تيتۋلى. سونىمەن قاتار ول 11 مارتە حالىقارالىق جارىستاردىڭ فينالىندا ويناعان.
سونداي-اق كەشە ەلوردادا وتكەن پرەزيدەنت كۋبوگى جارىسى دا ءوز مارەسىنە جەتتى. باس جۇلدەنى جەرلەسىمىز, الەمنىڭ 412-راكەتكاسى دەنيس ەۆسەەۆ پەن رەيتينگتە 550-ساتىدا تۇرعان وزبەكستاندىق حۋمايۋن سۇلتانوۆ ساراپقا سالدى. ەۆسەەۆ بىلتىر دا اتالعان ءتۋرنيردىڭ فينالىندا ويناعان بولاتىن.