بۇل كۇندەرى ەلورداداعى «Beeline arena» ۇلتتىق تەننيس ورتالىعىندا پرەزيدەنت كۋبوگى اياسىنداعى «ATP Challenger Tour» جانە «ITF World Tennis Tour» تۋرنيرلەرى ءوتىپ جاتىر.
2007 جىلدان باستاپ حالىقارالىق مارتەبەگە يە بولعان پرەزيدەنت كۋبوگى جارىسىنىڭ ەكىنشى كۇنىندە ءۇش وتانداسىمىز كورتقا شىعىپ, ۇشەۋى دە جارىستىڭ ەكىنشى اينالىمىنا جولداما الدى. الەمدىك رەيتينگتە 375-ورىندا تۇرعان 26 جاستاعى دميتري پوپكو العاشقى كەزدەسۋىن تۇركيالىق كوراي كيرچيمەن وتكىزىپ, قارسىلاسىن ءۇش سەتكە جالعاسقان ويىندا 6:4, 4:6, 6:1 ەسەبىمەن تىزە بۇكتىردى. پوپكو شيرەك فينالعا شىعۋ ءۇشىن كەشە وزبەكستاندىق حۋمايۋن سۇلتانوۆپەن شەبەرلىك بايقاستى.
سونىمەن قاتار بىلتىرعى پرەزيدەنت كۋبوگى جارىسىنىڭ ءفيناليسى دەنيس ەۆسەەۆ جاڭازەلانديالىق ادجيت رايدەن ەكى سەتتە (6:4, 6:1) باسىم ءتۇستى. ونىڭ كەلەسى قارسىلاسى – يزرايل وكىلى ورەل كيمحي. 19 جاستاعى وتانداسىمىز يسلام ورىنباسار الەمنىڭ 616-راكەتكاسى ۇندىستاندىق پردجۆال دەۆتى (6:4, 1:6, 6:3) جارىس جولىنان ىعىستىرىپ, ءتۋرنيردىڭ كىشىگىرىم سەنساتسياسىن تىركەدى. يسلام ەكىنشى اينالىمدا وسى جارىستىڭ 2-راكەتكاسى رەتىندە تىركەلگەن جاڭازەلانديالىق بەندجامين لوكپەن كۇش سىناسادى.