قوستاناي وبلىسىنىڭ پوليتسەيلەرى 58 كەلىدەن اساتىن ماريحۋانا ەسىرتكى زاتىن تاركىلەدى, دەپ حابارلايدى Egemen.kz.
قوستاناي وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ارنايى وپەراتسيا جۇرگىزىپ, وبلىس اۋماعىندا ەسىرتكى تاراتۋمەن اينالىسقان 11 ادامدى ۇستادى.
«پوليتسيا 58 كەلىدەن استام ماريحۋانانى تاركىلەدى. مۇنداي ءىرى پارتيانىڭ قارا نارىقتاعى قۇنى 9 ملن تەڭگەدەن اسادى», دەلىنگەن حابارلامادا.
ۆەدومستۆونىڭ مالىمەتىنشە, ەسىرتكى جالعا الىنعان گاراجدا ساقتالعان. ونى تاراتۋ ءۇشىن شاعىن وراما جاساپ وتىرعان.
«قازىرگى ۋاقىتتا قر قىجك-ءنىڭ 128-بابى تارتىبىندە 5 كۇدىكتى ۋاقىتشا ۇستاۋ يزولياتورىنا قاماۋعا الىندى. قالعاندارىنا قاتىستى ەشقايدا كەتپەۋ تۋرالى قولحات بەرۋ تۇرىندەگى بۇلتارتپاۋ شاراسى قابىلداندى», دەدى ەسىرتكى قىلمىسىنا قارسى ءىس-قيمىل باسقارماسىنىڭ باستىعى نۇرجان احمەتوۆ.
سونىمەن قاتار ول قر قك 297-بابىنىڭ 3-بولىگى بويىنشا باستالعان سوتقا دەيىنگى تەرگەۋ اياسىندا قاجەتتى تەرگەۋ ارەكەتتەرى جۇرگىزىلىپ جاتقانىن مالىمدەدى.