شىمكەنتتە 10 جاسار بالا قالا اكىمدىگىنىڭ الدىندا ورنالاسقان سۋبۇرقاققا باتىپ كەتتى, دەپ حابارلايدى Egemen.kz Polisia.kz سايتىنا سىلتەمە جاساپ.
قايعىلى وقيعا 24 شىلدە كۇنى ساعات 19:14-تە بولعان. قاراتاۋ اۋداندىق ۋنيتارلىق كاسىپورنىنىڭ 102 پۋلتىنە قالالىق اكىمدىك عيماراتىنىڭ الدىنداعى سۋبۇرقاقتا بالا قايتىس بولدى دەگەن حابارلاما كەلىپ تۇسكەن.
وقيعا ورنىنا جەتكەن جەدەل-تەرگەۋ توبى 10 جاسار ءجاسوسپىرىمنىڭ ابايسىزدا سۋعا ءتۇسۋ كەزىندە سۋعا باتىپ كەتكەنىن انىقتادى. تەكسەرۋ كەزىندە بالانىڭ دەنەسىندە كوزگە كورىنەتىن جاراقاتتار تابىلمادى.
كامەلەتكە تولماعان بالانىڭ ءولىم فاكتىسى ءىىب تجد-دا تىركەلدى.
بارلىق قاجەتتى ساراپتامالار تاعايىندالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى.