ىشكى ساياحاتتا ىركىلىس بولمايدى

مادەنيەت جانە سپورت ءمي­نيسترى اسحات ورالوۆتىڭ ايتۋىن­شا, كوشى-قوندى باقىلاۋ eQonaq ەلەكتروندى جۇيەسى جانە ارنايى ءموبيلدى قوسىمشالاردى ەنگىزۋ ارقىلى ىسكە اسادى. سونداي-اق ۋاكىلەتتى ورگاندارمەن بىرلەسىپ, ۆيزالىق, كوشى-قون ساياساتىن ليبە­را­ليزاتسيالاۋعا بايلانىستى تاۋە­كەل­دەردىڭ الدىن الۋ جونىندە ءىس-شارالار قابىلدانادى.

«تۋريزمگە جۇمسالعان قارا­جات­تىڭ تيىمدىلىگىن انىقتاۋ ءۇشىن تۋريس­تىك ينفراقۇرىلىمنىڭ دامۋ دەڭگەيى بويىنشا وڭىرلەر­دىڭ ۇلتتىق رەيتينگىن ەنگىزۋ جوسپار­لانىپ وتىر. رەيتينگ قازاق­ستاننىڭ تۋريستىك كارتاسىنا ەنگىزىلگەن باسىم باعىت­تار­ مەن توپ-50 دەستيناتسيانى­ قامتيدى. وڭىرلىك تۋريزم سالا­سىن­داعى شاعىن, ورتا جانە ءىرى ينۆەس­تيتسيالىق جوبالاردى­ ىسكە اسىرۋعا جەكە كاپيتال تارتى­لادى. ماڭعىستاۋ وبلىسى, تۇركىس­تان وبلىسى, الماتى تاۋ-شاڭعى كلاستەرى جانە باسقا دا ورىندار باسىم ايماقتار رەتىندە قارالادى», دەيدى ۆەدومستۆو باسشىسى.

سونىمەن قاتار ءتۋريزمدى دامىتۋ شەڭبەرىندە ەرەكشە قورعالاتىن تابيعي اۋماقتاردا اقش, اۋستراليا جانە گرۋزيا سياقتى ەلدەردىڭ تاجىريبەسى قولدانىلماق. قازاقستاننىڭ ماڭىزدى تابيعي نىساندارىن ساقتاۋ ءۇشىن ينۆەستورلار تارتىلىپ, مەملەكەتتىك ۇلتتىق تابيعي پاركتەردىڭ ينفراقۇرىلىمىن دامىتۋ جالعاسادى. مىسالى, يمانتاۋ-شالقار كۋرورتتى­ ايماعىن دامىتۋ اياسىندا سولتۇستىك قازاقستان وبلىسىندا­ ورنالاسقان جەردىڭ تۋريستىك-رەك­رەا­تسيالىق قىزمەتىنىڭ جول كارتاسىن ازىرلەۋ جوسپارلانىپ وتىر.

«ەلدەگى تۋريزم سالا­سىن دامى­­تۋدىڭ جاڭا تۇجىرىم­دا­ما­سىنا سايكەس توتەنشە جاعداي­لار­ مينيسترلىگىنە (تجم) قاراس­تى­ اۋماقتىق بولىمشەلەرىنە تۋريس­تەر­دىڭ ءجۇرىپ-تۇرۋ مارشرۋتتارى تۋرا­لى حاباردار ەتۋ بويىنشا تالاپ ەنگىزىلەدى. بۇل اقپارات ىزدەۋ ءىس-شارالارىن ۋاقتىلى ۇيىمداستىرۋ جانە قاجەت بولعان جاعدايدا مەديتسينالىق كومەك كورسەتۋ نەمەسە ەۆاكۋاتسيالاۋ ءۇشىن اسا ماڭىزدى. سونداي-اق ەل بويىنشا تۋريستىك جولداردى تاڭبالاۋ جونىندەگى ستاندارت قابىلدانادى. مارشرۋتتاردى ءبولۋ تۋريستەردىڭ دايارلىق دەڭ­گەيى مەن كۇردەلىلىگىنە قاراي جۇر­گىزىلەدى. ءار سانات بەلگىلى ءبىر تۇسكە سايكەس جاسالىپ, سوقپاقتىڭ باسىندا ونىڭ كۇردەلىلىگى جانە تۋريستكە قاجەتتى تالاپتار تۋرالى اقپارات ورنالاس­تىرىلادى. دەرەكتەر, اقپاراتتىق قالقاندار مەن ستەندتەردى ورناتۋ, تۋريستەرگە دۇرىس باعىت-باعدار الۋعا جانە ساياحاتتىڭ قاۋىپسىزدىگىن قامتاماسىز ەتۋگە مۇمكىندىك بەرەدى», دەيدى ا.ورالوۆ.

تۋريزم سالاسىندا كادر دايارلاۋ جۇيەسىن جەتىلدىرۋ جونىندەگى ءىس-شارالار دا جۇزەگە اسىرىلادى. مىسالى, تۇجىرىمداما شەڭبەرىندە حالىقارالىق ساراپشىلاردى تارتا وتىرىپ, ءبىلىم بەرۋ باعدارلامالارىن دايىن­داۋ­عا ارنالعان ادىسنامالىق ۇسى­نىم­دار ازىرلەۋ, اعىلشىن تىلىندەگى پاندەر ۇلەسىن ارتتىرۋ جانە بيزنەس وكىلدەرىن ءبىلىم بەرۋ باعدارلامالارى مەن وقۋ-ادىستەمەلىك ماتەريالداردى ازىرلەۋگە تارتۋ قاراستىرىلعان. قوناقۇي مەنەدجەرلەرىن, تۋروپەراتورلاردى جانە «بولا­شاق»­ باعدارلاماسىنىڭ تۇلەك­تە­رىن وقىتۋ مەن ديپلوم جۇمىس­­تارىنا باسشىلىق ەتۋگە­ تارتۋ مۇمكىندىگى, سونداي-اق وقىتۋ باعدارلامالارىنا قىسقامەرزىمدى كۋرستاردى ەنگىزۋ مۇمكىن­­دىگى دە قارالادى.

«حالىقارالىق تاجىريبە كورسەتكەندەي, بۇگىندە اۋقىمدى جانە تانىمال ءىس-شارالاردى, سپورتتىق جارىستاردى وتكىزۋ تۋريستەردى تارتۋدىڭ ەڭ ءتيىمدى قۇرالدارىنىڭ بىرىنە اينالدى. وسى باعىت بو­يىنشا دا ءبىراز جۇمىس اتقارىلادى. ەلدەگى MICE-ءتۋريزمنىڭ الەۋەتىن ەسكەرە وتىرىپ, بۇل باعىتتى حالىقارالىق تاجىريبەگە ساي دامىتۋدى جوسپارلاپ وتىرمىز. قازاقستاننىڭ MICE-دەستي­نا­تسيا­لارى حالىقارالىق ارەنادا, ونىڭ ىشىندە حالىقارالىق قاۋىمداستىقتار پلاتفورمالارى ارقىلى ناسيحاتتالادى. MICE-تۋريزم وكىلدەرى ەلگە MICE-ءىس-شارالاردى تارتۋمەن بەلسەندى اينالىسادى», دەيدى مينيستر.

سونداي-اق ءتۋريزمدى دامىتۋ تۇجىرىمداماسى بويىنشا, مادەني-تانىمدىق تۋريزم, اگروتۋريزم, الەۋمەتتىك, مەديتسينالىق, ەكولوگيالىق, ىسكەرلىك, بالالار-جاسوسپىرىمدەر جانە ءتۋريزمنىڭ باسقا دا تۇرلەرى دامىتىلادى. ءتۋريزمنىڭ ءاربىر باسىم­ باعىتىن جەكە قاراستىرىلىپ, ەكو­تۋريزمدى دامىتۋ ءۇشىن ەكوتۋريزم سۋبەكتىلەرىن ەرىكتى سەرتي­فيكاتتاۋدى ەنگىزۋ, سەرتي­في­كات­تالعان قوناقۇيلەردى ونلاين برونداۋ پلاتفورماسىن قۇرۋ, تابيعاتقا ۇقىپتى قاراۋ جونىندە اقپا­رات­تىق ناۋقان جۇرگىزۋ جوسپار­لانعان.

ءمينيستردىڭ ايتۋىنشا, اگروتۋريزم سالاسىندا بولاشاعى زور ورىنداردى انىقتاۋ جانە اۋىل تۇرعىندارى ءۇشىن وقىتۋ ءىس-شارالارى جۇزەگە اسىرىلاتىن وڭىرلەرگە بارىپ دالالىق زەرتتەۋ­لەر جۇرگىزىلەدى. اگروتۋريزمدە قىز­مەت كورسەتەتىن سۋبەكتىلەردىڭ ءتىزىلىمىن جاساۋ جانە جۇرگىزۋ, وڭىر­لەرگە ينۆەستيتسيا تارتۋ, اۋىل­داردىڭ ينفراقۇرىلىمىن جاقسارتۋ جانە اۋماقتار برەن­دينگىن دامىتۋ جوسپارلانىپ وتىر. فەرمەرلەرگە اۋىل شارۋا­شىلىعى ماقساتىنداعى جەر­لەردە اگروتۋريزممەن اينا­لىسۋعا مۇمكىندىك بەرۋ بولىگىندە زاڭنامانى جەتىلدىرۋ قاراس­تى­رى­لادى.

سالا ماماندارىنىڭ بولجامى بويىنشا, جوعارىدا اتالعان بارلىق باعىت بويىنشا بەلسەندى جۇمىس 2030 جىلعا دەيىن ءوز جەمىسىن بەرىپ, ىشكى تۋريس­تەر سانىن 11 ملن ادامعا, ال شەتەلدىك تۋريس­تەر سانىن 4 ملن ادامعا دەيىن ارتتىرۋعا بولادى.