«ورداباسى» العا وزدى

چەمپيوندار ليگاسىنىڭ ىرىك­تەۋ كەزەڭىنە قاتىسىپ جاتقان ەل­وردانىڭ «استاناسى» ەۋروكۋبوك باسەكەسىنىڭ العاشقى اينالى­مىندا گرۋزيانىڭ «دينامو» كلۋبىن جارىس جولىنان ىعىستىر­­عان­نان كەيىن ەل چەمپيوناتىنداعى كەزەكتى تۋر ويىنىن ءساتسىز وتكىز­دى. ءوز الا­ڭىندا «اتىراۋ­دى» قابىلداعان استانالىقتار كۇت­پەگەن جەردە تۋرنير كەستەسى­نىڭ قاق ورتاسىندا كەلە جاتقان ۇجىم­مەن تەڭ ءتۇستى – 0:0. بۇل با­سەكەدە گريگوري بابايان نە­گىزگى قۇرامنىڭ فۋتبولشىلارىنا دەمالىس بەرىپ, الاڭدا از ۋاقىت وتكىزىپ جۇرگەن فۋتبولشىلارعا كوبىرەك مۇمكىندىك بەرىپ كور­گەن ەدى. الايدا ەكىنشى قۇرامنىڭ ويىنشىلارى باپكەرلەر قۇرا­مى مەن جانكۇيەرلەردىڭ سەنىمىن اقتاي المادى.

«استانانىڭ» ۇپاي جوعالت­قانىن تۋرنير كەستەسىندە ەلوردا­لىقتاردى وكشەلەپ كەلە جات­قان «ورداباسى» مەن «اقتوبە» كلۋبتارى ءتيىمدى پايدالانىپ كەتتى. 15 تۋردان كەيىن «استانامەن» بىردەي ۇپاي جيناپ, كوشباسشىلىق­تى ءبولىسىپ كەلە جاتقان شىمكەنت­تىڭ «ورداباسى» كلۋبى بۇل تۋردا پەتروپاۆلدىڭ «قىزىل­جار» كومانداسىمەن كەز­دەسىپ, سوڭعى مينۋتتاردا ەركەبۇلان تۇڭعىشباەۆتىڭ سوققان گولىنىڭ ار­قاسىندا قوناقتاردان 2:1 ەسە­بىمەن باسىم ءتۇسىپ, تۋرنير كەس­تە­سىندە 42 ۇپايمەن جەكە-دارا كوش باستادى. «استانانىڭ» ەنشىسىندە 39 ۇپاي بار.

ال «اقتوبە» كلۋبى قوبى­لاندى باتىر اتىنداعى ورتا­لىق ستاديوندا قىزىلوردا­نىڭ «قاي­سارىن» 1:0 ەسەبىمەن تىزە بۇكتىرىپ, كەزەكتى ءۇش ۇپايىنا قول جەتكىزدى. 13 مىڭعا جۋىق جان­­كۇيەر تاماشالاعان كەزدە­سۋ­دەگى جالعىز ءارى جەڭىس گولىن ءبىرىنشى تايمنىڭ سوڭىندا اق­تو­بەلىكتەردىڭ فرانتسيالىق شا­بۋىلشىسى ۋگو ۆيدەمون سوق­تى. قاتارىنان ءۇشىنشى ويىن­دا جەڭىسكە جەتكەن اندرەي كارپوۆيچ شاكىرتتەرى تۋرنير كەستەسىندە 34 ۇپايمەن ءۇشىنشى ورىندا كەلەدى. «ورداباسى» مەن «استانا» كلۋبتارىنا قا­را­عاندا «اقتوبە» ءبىر ويىن كەم وت­كىزگەنىن ايتا كەتەيىك.

سونداي-اق 16 تۋردا «توبىل» ءوز الاڭىندا «وقجەتپەستى» قا­بىلداپ, 2:0 ەسەبىمەن باسىم تۇس­سە, «شاحتەر» قاراعاندىدا «كاس­پيدى» قاپى قالدىردى – 1:0. ال «قايرات» پەن «ماقتاارال» (2:2) جانە «جەتىسۋ» مەن «اقسۋ» (1:1) اراسىنداعى ويىنداردا تەڭ ەسەپ تىركەلدى.