ەكىنشى جارتىلاي ورتا سالماقتا جۇدىرىقتاساتىن دارىندى كاسىپقوي بوكسشىمىز سۇلتان زاۋىربەك (15-0, 11 KO) كەزەكتى ايقاسىن شوتلانديادا وتكىزىپ, قارسىلاسىنان مەرزىمىنەن بۇرىن باسىم ءتۇستى.
اۋەسقوي بوكستا جاستار اراسىنداعى الەم چەمپيوناتىنىڭ كۇمىس جۇلدەگەرى, ەرەسەكتەر باسەكەسىندە بىرقاتار تابىسقا جەتكەن وتانداسىمىز كاسىپقوي بوكستا دا ءتاۋىر ناتيجە كورسەتىپ كەلەدى. 2018 جىلدان باستاپ كاسىپقوي بوكسقا دەن قويعان 27 جاستاعى وتانداسىمىز بۇگىنگە دەيىن 14 ايقاس وتكىزىپ, سونىڭ بارلىعىندا جەڭىسكە جەتكەن. 10 قارسىلاسىن مەرزىمىنەن بۇرىن تىزە بۇكتىرگەن ەدى.
شوتلانديانىڭ ەدينبۋرگ قالاسىندا ۇيىمداستىرىلعان بوكس كەشىندە جەرلەسىمىز يسپانيانىڭ اتاقتى بوكسشىسى, كاسىپقوي شارشى الاڭدا بىردە-ءبىر مارتە جەڭىلىپ كورمەگەن دجون كارتەرمەن (15-1-1, 7 كو) قولعاپ ءتۇيىستىرىپ, 10 راۋندقا جوسپارلانعان جەكپە-جەكتىڭ ءۇشىنشى راۋندىندا قارسىلاسىن نوكاۋتپەن جەڭدى. وسىلايشا, WBO European بەلبەۋىنىڭ يەگەرى سۇلتان زاۋىربەك كارەراسىنداعى 15-ءشى جەڭىسىنە قول جەتكىزدى.