قر ۇلتتىق مۋزەيىنە جىل باسىنان بەرى 310 مىڭ ادام بارعان. ال بىلتىر ءبىر جىل ىشىندە ۇلتتىق مۋزەيدەگى جادىگەرلەردى 330 مىڭ ادام تاماشالاعان, دەپ حابارلايدى Egemen.kz El.kz اقپارات اگەنتتىگىنە سىلتەمە جاساپ.
مادەنيەت جانە سپورت مينيسترلىگىنىڭ الەۋمەتتىك جەلىلەرىندەگى تىكەلەي ەفيردە ءسوز سويلەگەن ۇلتتىق مۋزەي ديرەكتورى م.ا. ايبەك سىدىقوۆتىڭ ايتۋىنشا, كەلۋشىلەردىڭ ءوسۋ ديناميكاسىنىڭ سەبەبى بيىلعى ساۋىردە ەكى جاڭا زالدىڭ اشىلۋىمەن بايلانىستى.
پالەونتولوگيا زالى مەن قولونەرشىلەر ورتالىعى بارلىق جاستاعى كەلۋشىلەردىڭ قىزىعۋشىلىعىن تۋدىرعان. پالەونتولوگيا زالىندا تيرانوزاۆر, گيپپاريون جىلقىسى, ۇلكەن ءمۇيىزدى بۇعى, الىپ يندريكوتەري مۇيىزتۇمسىعى, مامونت جانە باسقا دا ءبىزدىڭ زامانعا دەيىنگى ەجەلگى داۋىردەگى جانۋارلاردىڭ قاڭقالارى مەن قالدىقتارى بار. ال قولونەرشىلەر ورتالىعىندا ءتۇرلى كادەسىيلار مەن شەبەرلەردىڭ ۇزدىك ساندىك-قولدانبالى ۇسىنىلادى. جىل باسىنان بەرى ۇلتتىق مۋزەيدە 22 ءىرى كورمە وتكەن, ونىڭ ىشىندە حالىقارالىق دەڭگەيدەگى 4 جوبا بار. سونداي-اق «مۋزەي ءتۇنى» حالىقارالىق اكتسياسى اياسىندا ۇلتتىق مۋزەيگە ءبىر تۇندە 47 مىڭنان استام ادام كەلىپ, رەكورد ورناتقان ەدى. مۋزەي قورى ءبىرىنشى جارتىجىلدىقتا 4000-نان استام ەكسپوناتپەن تولىقتى.
«2014 جىلدان بەرى ۇلتتىق مۋزەي تاريحىندا كەلۋشىلەر سانى بويىنشا ەكى ءىرى كورسەتكىش تىركەلدى. 2017 جىلى, ەكسپو حالىقارالىق كورمەسى اياسىندا 280 مىڭ ادام كەلسە, بىلتىر بۇل كورسەتكىش 330 مىڭ ادامعا جەتتى. ال بيىلعى جىلدىڭ العاشقى التى ايىندا عانا 310 مىڭ كەلۋشى تىركەلىپ وتىر. بۇل كورسەتكىش حالقىمىزدىڭ مىڭجىلدىق مادەني مۇراسى مەن تاريحىنا قازاقستاندىقتار مەن شەتەلدىكتەردىڭ قىزىعۋشىلىقتارى ارتقانىن بىلدىرەدى», دەدى قر ۇلتتىق مۋزەيى ديرەكتورى م.ا. ايبەك سىدىقوۆ.