اقش-تىڭ «ينتەر مايامي» فۋتبول كلۋبى رەسمي تۇردە ارگەنتينالىق شابۋىلشى ليونەل مەسسيدىڭ كومانداعا قوسىلعانىن جاريا ەتتى, دەپ حابارلايدى Egemen.kz.
فۋتبول كلۋبى اتاقتى فۋتبولشىنىڭ كومانداعا قوسىلعانىن حابارلاپ, «ينتەر مايامي» جەيدەسىن كيىپ تۇسكەن سۋرەتى مەن بەينەجازباسىن جاريالادى.
ليونەل مەسسيمەن كەلىسىمشارت 2025 جىلعا دەيىن جاسالعان. ول جاڭا كومانداسىندا 10 ءنومىرلى جەيدە كيەتىن بولدى.
35-جاستاعى ارگەنتينالىق سوڭعى ەكى ماۋسىمدا فرانتسيانىڭ «پاري سەن-جەرمەن» كلۋبىندا ويناعان. كوماندا ساپىندا ەل چەمپيوناتىن ەكى مارتە جەڭىپ السا, سول ەلدىڭ سۋپەركۋبوگىنا قول جەتكىزدى.
ەستەرىڭىزگە سالا كەتەيىك, وتكەن ماۋسىمدا ول 41 ويىندا 21 گول سوعىپ, 20 ناتيجەلى پاس بەردى. اتالعان كوماندا ساپىندا 75 ويىندا 32 گولدىڭ اۆتورى اتانىپ, 35 ناتيجەلى پاس شىعاردى.