«قازمۇنايگاز» ۇك» اق باسقارما توراعاسى ماعزۇم مىرزاعاليەۆ پەن ەنەرگەتيكا ۆيتسە-ءمينيسترى جاندوس نۇرماعانبەتوۆكە سوگىس جاريالاناتىن بولدى. بۇل تۋرالى ۇكىمەت باسشىسى ءاليحان سمايىلوۆتىڭ پرەزيدەنت قاسىم-جومارت توقاەۆقا جاساعان بايانداماسىنان بەلگىلى بولدى, دەپ حابارلايدى Egemen.kz.
ءاليحان سمايىلوۆ قاسىم-جومارت توقاەۆقا باتىس ءوڭىرىنىڭ ەنەرگەتيكا جۇيەسىنە جاسالعان اۋقىمدى تالداۋ ناتيجەسىندە ەنەرگەتيكا كاسىپورىندارىنىڭ جۇمىسىندا ءبىراز كەمشىلىك جىبەرىلگەنى انىقتالعانىن جەتكىزدى. بۇدان بولەك ەنەرگەتيكا مينيسترلىگىنىڭ, «KEGOC» اق, «ماەك» جشس جانە «قازمۇنايگاز» ۇك» اق جۇمىسىندا ولقىلىقتار بار ەكەنى انىقتالدى.
ۇكىمەت باسشىسىنىڭ ايتۋىنشا, «قازمۇنايگاز» ۇك» اق باسقارما توراعاسى ماعزۇم مىرزاعاليەۆكە مۇناي وڭدەۋ زاۋىتىنىڭ قاۋىپسىز جانە تۇراقتى جۇمىسىن قامتاماسىز ەتۋ شارالارىن ۋاقتىلى جۇزەگە اسىرماعانى ءۇشىن سوگىس جاريالانادى.
وعان قوسا باتىس ەنەرگيا تورابىنىڭ قاۋىپسىزدىگىنە ءتيىستى دەڭگەيدە باقىلاۋ جاساماعانى ءۇشىن ەنەرگەتيكا ۆيتسە-ءمينيسترى جاندوس نۇرماعانبەتوۆكە دە سوگىس جاريالاۋ جونىندە شەشىم قابىلدانعانى ايتىلدى.
سونداي-اق «ماەك» جشس, ءاموز, «KEGOC» اق باسشىلارى مەن لاۋازىمدى تۇلعالارىنا قاتىستى اكىمشىلىك سيپاتتاعى شارالار قولدانىلادى.