بۇگىن اقمولا وبلىسىنداعى تەمنوبور ورمانشىلىعىنىڭ اۋماعىندا 0,001 گا القاپتا تابيعي ءورت بولدى. جالىننىڭ پايدا بولۋىنا نايزاعاي جارقىلى سەبەپ بولعان, دەپ حابارلايدى Egemen.kz «بۋراباي» مەملەكەتتىك ۇلتتىق تابيعي پاركىنىڭ ءباسپاسوز قىزمەتىنە سىلتەمە جاساپ.
ءورت ورنىنا 2 تەحنيكا (1 تىكۇشاق, 1 ءورت ءسوندىرۋ ماشيناسى) جانە 8 ادام (4 ورمان كۇزەتى جانە مۇتپ ورمانشىلىعىنىڭ قىزمەتكەرى, 4 اۆياپاترۋلدىك قىزمەتكەر) جۇمىلدىرىلدى.
ايتا كەتسەك, جىل باسىنان بەرى پاركتە 14 تابيعي ءورت بولعان, ولاردىڭ 9-ى نايزاعاي جارقىلىنان تۇتانعان.