ەلوردادا باق وكىلدەرى اراسىنداعى بايقاۋدىڭ جەڭىمپازدارى انىقتالدى

ماراپاتتاۋ راسىمىنە اقپارات جانە قوعامدىق دامۋ ۆيتسە-ءمينيسترى, استانا قالاسى اكىمىنىڭ ورىنباسارى ەسەت بايكەن, قوعام قايراتكەرى قۋانىش سۇلتانوۆ, قالالىق ءماسليحات توراعاسى ەرلان كاناليموۆ, «حابار اگەنتتىگى» اق باسقارما توراعاسى بەرىك ءۋالي قاتىستى.

«ەلوردانىڭ 25 جىلدىق مەرەيتويىمەن بارشاڭىزدى قۇتتىقتايمىن! قازىرگى كەزدە قالادا 30-دان استام تەلەارنا, 490-نان استام گازەت-جۋرنال, 137 ينتەرنەت باسىلىمى بار. بۇگىنگى بايقاۋعا 100-دەن استام ءوتىنىش كەلىپ ءتۇستى. ەلگە تانىمال ادامداردان ءادىل-قازىلار القاسىن قۇردىق. ولاردىڭ قاتارىندا نۇرتورە ءجۇسىپ, قىمبات دوسجان, بيبىگۇل جەكسەنباي بولدى», دەدى قالا اكىمىنىڭ ورىنباسارى ەسەت بايكەن.

استانا قالاسىنىڭ ىشكى ساياسات باسقارماسىنىڭ باسشىسى داۋرەن بابامۇراتوۆتىڭ سوزىنشە, بايقاۋدا ەڭ ۇزدىكتەردى انىقتاۋ قيىنعا تۇسكەن.

«بۇل ءىس-شارا ەلوردانىڭ 25 جىلدىعىنا وراي ۇيىمداستىرىلىپ وتىر. ەلوردادا بولىپ جاتقان ءتۇرلى وقيعالاردى بارشا قازاقستاندىق تەك جۋرناليستەر دايىنداعان مەديا ءونىم ارقىلى بىلەدى. مىسالى, ءىس-شاراعا شارتتى تۇردە 2000 ادام قاتىسا الادى, ال جۋرناليستەر جازعان كەزدە بۇل تۋرالى جۇزدەگەن مىڭ ازامات بىلەدى. ءبىز ەلوردانىڭ 25 جىلدىعى جانە ونىڭ جەتىستىكتەرى تۋرالى ەڭ ۇزدىك ماقالالار, فوتورەپورتاجدار مەن بەينەسيۋجەتتەردى تاڭداپ الدىق. مىنە, بۇگىن ەلوردامىزدى تانىمال ەتۋگە ەلەۋلى ۇلەس قوسىپ جۇرگەن جۋرناليستەردى ماراپاتتادىق», دەدى داۋرەن بابامۇراتوۆ.

باق وكىلدەرىنە ارنالعان بايقاۋدا 7 اتالىم بويىنشا بارلىعى 100-دەن استام ۇمىتكەر سىنعا ءتۇستى.

قازىلار القاسىنىڭ شەشىمىمەن كەلەسى اتالىمدار بويىنشا بايقاۋ جەڭىمپازدارى انىقتالدى:

1) «ۇزدىك جۋرناليست-ساراپشى»: 1-ورىن – گۇلشات سەرالى («استانا اقشامى» گازەتى), 2-ورىن – ارنۇر اسقار («ەگەمەن قازاقستان» گازەتى), 3-ورىن – ماكسيم ۋدود («ۆەچەرنيايا استانا» گازەتى);

2) «ۇزدىك شولۋشى»: 1-ورىن – نازيرا بالتاشەۆا («گولوس نارودا» اقپاراتتىق اگەنتتىگى), 2-ورىن – ابۋباكىر سمايىلوۆ («جاس قازاق» پورتالى), 3-ورىن – ايگەرىم مۇساتاەۆا (Liter.kz جەلىلىك باسىلىمى);

3) «ۇزدىك راديورەپورتاج»: 1-ورىن – دۋلات ابيبۋللاەۆ («قازاق راديوسى»), 2-ورىن – راۋشان سىبانجانوۆا («حالىق راديوسى»), 3-ورىن – ازامات تىلەپوۆ («قازاق راديوسى»);

4) «ۇزدىك تەلەسيۋجەت»: 1-ورىن – مارك بريۋشكو («جىبەك جولى» تەلەارناسى), 2-ورىن – عابيت بوكەنباي («قازاقستان» تەلەارناسى), 3-ورىن – دينارا ءابدىروۆا («24 kz» تەلەارناسى);

5) «ۇزدىك موبيلوگراف»: 1-ورىن – ۇلان ابىشەۆ («قازكونتەنت» اق), 2-ورىن – ايگەرىم ەرجانوۆا («ەۆرازيا» ءبىرىنشى ارناسى), 3-ورىن – اباي ۋاحيت («امانات» پارتياسى);

6) «ۇزدىك فوتورەپورتاج»: 1-ورىن – شۇكىر شاحاي, 2-ورىن – ۆلاديسلاۆ ۆودنەۆ, 3-ورىن – سۇلتان سەيىتوۆ («استانا اقشامى» گازەتى), ەرلان وماروۆ («ەگەمەن قازاقستان» گازەتى);

7) «الەۋمەتتىك جەلىدەگى استانانىڭ 25 جىلدىعى تۋرالى ۇزدىك ماتەريال» ارنايى نوميناتسياسى: 1-ورىن – قاينار ولجاي, 2-ورىن – رەنات تاشكينباەۆ, 3-ورىن – سالتانات جاقىپوۆا («ەلوردا ينفو» سايتى).

ءبىرىنشى ورىنعا 1 000 000 تەڭگەنىڭ, ەكىنشى ورىنعا – 500 مىڭ تەڭگەنىڭ, ءۇشىنشى ورىنعا 300 مىڭ تەڭگەنىڭ سەرتيفيكاتى تابىس ەتىلدى.

جەڭىمپازداردى ەلىمىزدەگى بەلگىلى جۋرناليستەر, مەديا-ساراپشىلار جانە بەلگىلى سالا وكىلدەرىنەن قۇرالعان كونكۋرستىق كوميسسيا انىقتادى.