استانا قالاسىنىڭ اكىمى جەڭىس قاسىمبەك Instagram پاراقشاسىندا قۇرىلىسى ۇزاققا سوزىلعان كەزەكتى تۇرعىن ءۇي كەشەنى اشىلعانىن ءمالىم ەتتى, دەپ حابارلايدى Egemen.kz.
«جىلدار بويى قۇرىلىسى توقتاپ تۇرعان نىساندى اياقتادىق. «تۇران سىعاناق» تۇرعىن ءۇي كەشەنىنىڭ قۇرىلىسى سوناۋ 2014 جىلى باستالعان. ۇلەسكەرلەر 9 جىلدان كەيىن بارىپ باسپاناسىنىڭ كىلتىن الدى. نىسان قابىلدانعان كەزدە كەيبىر بلوكتارىنىڭ قۇرىلىسى ءتىپتى باستالماعان دا ەدى. ۇلكەن جۇيەلى جۇمىس جۇرگىزىلدى. ەلوردا كۇنى قارساڭىندا 330-دان استام ۇلەسكەر وتباسىنىڭ پروبلەماسىن شەشتىك! مۇندا «تۇران سىعاناق» تۇرعىن ءۇي كەشەنىنىڭ تۇرعىندارىنان بولەك قۇرىلىسى ۇزاققا سوزىلعان وزگە دە نىسانداردىڭ ۇلەسكەرلەرى باسپانالى بولدى», دەپ جازدى ەلوردا اكىمى.بيىل قۇرىلىسى ۇزاققا سوزىلعان 30-دان استام تۇرعىن ءۇي كەشەنى اياقتالادى. وسىلايشا, 4 مىڭعا جۋىق ۇلەسكەر-وتباسىنىڭ پروبلەماسىن شەشىلەدى.