بۇگىن قازاقستاندا مەملەكەتتىك مەرەكە - استانا كۇنى اتاپ وتىلەدى. بيىل ەلىمىزدىڭ باس قالاسى ءوزىنىڭ 25 جىلدىق مەرەيتويىن تويلايدى, دەپ حابارلايدى Egemen.kz.
ايتۋلى داتا كەزدەيسوق تاڭدالماعان, ءدال وسى كۇنى 1994 جىلى قازاقستاننىڭ جوعارعى كەڭەسى استانانى الماتىدان اقمولاعا كوشىرۋ تۋرالى شەشىمدى ماقۇلدادى. 1998 جىلدىڭ 6 مامىرىندا قازاقستاننىڭ تۇڭعىش پرەزيدەنتى نۇرسۇلتان نازارباەۆ اقمولانى استانا دەپ قايتا اتاۋ تۋرالى جارلىققا قول قويدى.
ايتا كەتسەك, ەلوردا كۇنى 10 ماۋسىمدا جەرگىلىكتى دەڭگەيدە اتاپ ءوتىلدى. تەك 2006 جىلى استانا كۇنى 6 شىلدەگە اۋىستىرىلدى.
2008 جىلى مەرەكە مەملەكەتتىك مارتەبەگە يە بولدى, سودان بەرى 6 شىلدە بۇكىل ەل ءۇشىن دەمالىس كۇنى بولىپ سانالادى.
قازاقستان پرەزيدەنتى قاسىم-جومارت توقاەۆتىڭ ايتۋىنشا, قازىر استانا قارقىندى دامىپ كەلەدى جانە ونىڭ حالىقارالىق بەدەلى دە ارتا ءتۇستى. قازاقستان استاناسى الەمنىڭ ناعىز ديالوگ الاڭىنا اينالدى.
«استانا - وتانىمىزدىڭ جۇرەگى. ءدال وسى جەردە ەڭ ماڭىزدى شەشىمدەر قابىلدانادى. الداعى ۋاقىتتا دا سولاي بولاتىنىنا سەنىمدىمىن. ەلوردامىزدىڭ بولاشاعى جارقىن», دەدى پرەزيدەنت.
ايتا كەتسەك, بيىل قازاقستاندىقتار ەلوردا كۇنىنە وراي ءتورت كۇن – 6, 7, 8 جانە 9 شىلدەدە دەمالادى.