اباي وبلىسى كوكپەكتى اۋدانىنداعى قامىس ءورتى اۋىزدىقتالدى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
كوكپەكتى اۋدانىنداعى قامىس ءورتى بۇگىن ساعات 7:15-تە ءسوندىرىلدى. ءورتتى سوندىرۋگە اباي وبلىسىنىڭ توتەنشە جاعدايلار دەپارتامەنتى مەن جەرگىلىكتى اتقارۋشى ورگانداردىڭ ءورت سوندىرۋشىلەرى قاتىستى.
ەسكە سالا كەتەيىك, 3 شىلدە كۇنى كوكپەكتى اۋدانى ۇلگىلى-مالشى اۋىلىنان 50 شاقىرىم جەردە قامىس ءورتى تىركەلگەن ەدى. ءتىلسىز جاۋ 4 شىلدە ساعات 19:00-دە وقشاۋلاندى. ەلدى مەكەندەرگە قاۋىپ تونگەن جوق. ورتەنگەن ۋچاسكەنىڭ اۋدانى شامامەن 910 گا قۇرادى.