قاراعاندى وبلىسىندا «Amanat» پارتياسى فيليالىنىڭ توراعاسى مەن اۋداندىق ءماسليحات دەپۋتاتى جول اپاتىنا ۇشىرادى, دەپ حابارلايدى Egemen.kz.
اقپاراتتى «اmanat» پارتياسى قاراعاندى وبلىستىق فيليالىنىڭ ءباسپاسوز قىزمەتى راستادى.
وقيعا 2 شىلدە كۇنى قاراعاندى وبلىسىنىڭ بۇقار جىراۋ اۋدانىنداعى بوتاقارا-دوسكەي تاس جولىندا بولدى.
«Nissan كولىگىنىڭ جۇرگىزۋشىسى تىزگىنگە يە بولا الماي قالدى. كولىكتە «Amanat» پارتياسى بۇقار جىراۋ اۋداندىق فيليالىنىڭ توراعاسى بولدى, ال تىزگىندە وبلىستىق ءماسليحاتتىڭ دەپۋتاتى انارا بوزاەۆا بولعان. بۇل اقپاراتتى ءوزى راستادى», دەپ حابارلايدى پارتيانىڭ وبلىستىق فيليالى.
انارا بوزاەۆانىڭ كولىك جۇرگىزۋ تاجىريبەسى مول ەكەنى ايتىلدى.
«ايتا كەتەيىك, ول قازىر ەڭبەك دەمالىسىندا. قاراعاندى وبلىسىنىڭ پوليتسيا دەپارتامەنتى جول-كولىك وقيعاسى بويىنشا تەرگەۋ امالدارىن جۇرگىزىپ جاتىر, ناتيجەسىندە بارلىق كىنالىلەر زاڭدا بەلگىلەنگەن تارتىپپەن جازالانادى», دەپ حابارلادى پارتيانىڭ وبلىستىق فيليالى.
ايتا كەتەيىك, جۇرگىزۋشى جولدان ءوتىپ بارا جاتقان مالدى قاعىپ كەتكەن. كەيىن ءرۋلدى باسقارا الماي قالعان ايەل 8 جانە 16 جاستاعى كامەلەتكە تولماعان ەكى بالا مىنگەن موتوتسيكلمەن سوقتىعىسقان.
«وقيعا سالدارىنان جاسوسپىرىمدەر ءارتۇرلى اۋىرلىقتاعى دەنە جاراقاتىن الىپ, مەديتسينالىق مەكەمەگە جاتقىزىلدى. اتالعان فاكتى پوليتسيا بولىمشەسىندە تىركەلدى. ءتيىستى ساراپتامالار تاعايىندالدى. تولىق جانە وبەكتيۆتى سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر», دەپ حابارلادى قاراعاندى وبلىسىنىڭ پوليتسيا دەپارتامەنتىنەن.