بيىل استانا كۇنىندە وتشاشۋ بولمايدى. بۇل تۋرالى استانا اكىمدىگىنىڭ ءباسپاسوز قىزمەتىنەن حابارلادى, دەپ جازادى Egemen.kz.
ەلوردا اكىمدىگىندە اتاپ وتكەندەي, قالانىڭ 25 جىلدىعىنا وراي 100-دەن استام مەرەكەلىك ءىس-شارا وتكىزۋ جوسپارلانعان. ونىڭ 90-عا جۋىعى ەلوردانىڭ بارلىق تۇرعىندارى مەن قوناقتارى ءۇشىن تەگىن بولادى.
سونىمەن قاتار مەرەكە كۇندەرى بىرقاتار الەۋمەتتىك نىسان اشىلادى, سونىڭ ىشىندە وقۋشىلار سارايى, دەنە شىنىقتىرۋ-ساۋىقتىرۋ كەشەنى, اۋلالار, قوعامدىق ورىندار, ۇلەسكەرلەرگە پاتەر كىلتتەرى تابىس ەتىلەدى.
ايتا كەتەيىك ەلىمىزدە استانا كۇنى 6 شىلدە كۇنى تويلانادى. بيىل ەلوردامىزعا 25 جىل تولادى.