قازاق ونەرى – تاشكەنت تورىندە

قازاق مادەنيەتى كۇندەرىنىڭ سالتانات­تى­ جابىلۋىنا مادەنيەت جانە سپورت ءمي­نيسترى اسحات ورالوۆ قاتىستى. ول جي­نالعان كورەرمەنگە باۋىرلاس قازاق حال­قىنىڭ ىستىق سالەمىن جەتكىزىپ, قازاق­ستاننىڭ مادەنيەت كۇندەرىن ۇيىم­داس­تى­رۋ­عا كومەكتەسكەنى ءۇشىن وزبەك تاراپىنا ال­عى­سىن ءبىلدىردى.

«بىرنەشە كۇن ىشىندە وزبەكستاننىڭ ءىرى قالا­لارىندا قازاقستاندىق فيلمدەردىڭ كور­سەتىلىمدەرى, ارتىستەرىمىزدىڭ گالا-كون­تسەرت­تەرى جانە باسقا دا ءىس-شارالار ءوتتى. قازاق­ستاننىڭ مادەنيەت كۇندەرىن «اباي» وپەرا­سىنىڭ كورسەتىلىمى اياقتايدى. اباي قۇنان­باي ۇلى – قازاق حالقىنىڭ عانا ەمەس, بۇكىل الەم ءۇشىن داڭقتى تۇلعا. اباي ارقا­شان ادامزات بالاسىن سۇيۋگە شاقىرعان. وسى قاعيدالارعا سۇيەنە وتىرىپ, ءبىز وزبەك­ ارىپتەستەرىمىزبەن قارىم-قاتىناستى ن­ى­عاي­تۋ باعىتىندا جۇمىس ىستەيمىز دەپ ۋاع­دا­لاستىق. وزبەكستان رەسپۋبليكاسىنىڭ ما­دەنيەت جانە تۋريزم مينيسترلىگىنە رۋحا­ني­ قولداۋ كورسەتكەنى جانە كومەكتەسكەنى ءۇشىن­ ەرەكشە راحمەت ايتامىن», دەدى مينيستر.

ۆەدومستۆو باسشىسى وزبەكستانعا جۇ­مىس­ ساپارى اياسىندا تولە بي كەسەنەسى مەن الەمدەگى ەڭ كونە قۇران قولجازباسى ساق­تالعان حاست-يمام مەشىتىن ارالا­دى.­ سونىمەن قاتار وزبەك ارىپتەسى وزود­بەك­ نازاربەكوۆپەن ەكىجاقتى كەزدەسۋ وتكى­زىپ, ەكى ەلدىڭ مادەنيەت جانە تۋريزم سالاسىنداعى ىنتىماقتاستىقتى تال­قى­لا­دى.

وزبەكستانداعى قازاق مادەنيەتى كۇن­­­دەرىنىڭ تورتكۇندىك باعدارلاماسىنا ساي 20 ماۋسىمدا تاشكەنتتەگى «تۇركىستان» ونەر سارايىندا روزا باعلانوۆا اتىنداعى «قازاق­كونتسەرت» مكۇ ارتىستەرىنىڭ گالا-كون­تسەرتى ءوتتى. ساحناعا قازاقستاننىڭ ەڭبەك سىڭىرگەن قايراتكەرلەرى سالتانات اح­مەتوۆا مەن الىشەر كارىموۆ, «دارىن» مەم­لەكەتتىك جاستار سىيلىعىنىڭ لاۋرەاتى­ رۋحيا بايدۇكەنوۆا, رەسپۋبليكالىق جانە حالىق­ارالىق بايقاۋلاردىڭ لاۋرەاتتارى دىنيسلامبەك جايلاۋباي, سالتانات مەڭدى­عاليەۆا, ديدار ابدىحالىق, GULDER ءانسام­بلى مەن TURAN ەتنو-فولكلورلىق ءانسام­بلىنىڭ ارتىستەرى شىقتى. مۇنداي گالا-كونتسەرتتەر وزبەكستاننىڭ باسقا قالا­لا­رىندا دا ءوتتى.

قازاق ونەرپازدارى 22 ماۋسىمدا سامار­قاند وبلىستىق مۋزىكالىق-دراما تەات­رىندا, 23 ماۋسىمدا بۇحاراداعى جاس­تار ورتالىعىنىڭ كونتسەرت زالىندا ونەر كورسەتتى. ال تاشكەنت قالاسىنداعى الى­شەر ناۋاي اتىنداعى كينوتەاتردا 20-23 ماۋسىم ارالىعى قازاق كينوسىنا­ ار­نالدى. باعدارلاماعا «مۇقاعالي» (رە­­جيسسەرى بولات قالىمبەتوۆ), «دوس-مۇقا­سان» (رەجيسسەرى ايدىن ساحامان), «پارا­ليمپياداشى» (رەجيسسەرى الديار بايراقىموۆ), «ستارتتا» (رەجيسسەرى ەرنار نۇرعاليەۆ), «1941 جىلدىڭ جازى» (رەجيس­سە­رى بەكبولات شەكەروۆ) كينوكارتينا­لارى, «سۇلتان بەي­­بارىس» لەنتاسى (رەجيسسەرى بولات مانسۇروۆ) جانە «كەنجە قىز», «بەسىك جىرى», «امەن-اعا اعاشى» انيماتسيالىق فيلم­دەرى ەندى.

ايتا كەتەيىك, قازاق ونەرىنىڭ وزبەك تورىن­دەگى بۇل ساپارى الداعى ۋاقىتتا دا جال­عاس­پاق.­ بيىل وزبەكستان رەسپۋبليكاسىندا م.وس­كىن­باەۆ اتىنداعى ماڭعىستاۋ وبلىس­تىق فيلارمونياسىنىڭ گاسترولدىك ساپارى جوسپارلانىپ وتىر.