قما ماڭعىستاۋ وبلىسى بويىنشا دەپارتامەنتىمەن «وزەنمۇنايگاز» اق باس ديرەكتورىنىڭ بۇرىنعى ورىنباسارى ە.قارامىرزاەۆ ۇستالدى, دەپ حابارلايدى قر قارجىلىق مونيتورينگ اگەنتتىگىنە سىلتەمە جاساپ.
ول «كەزبي» جشس-ءنىڭ جانە «وزەنمۇنايگاز» اق-نىڭ باسقا دا مەردىگەر ۇيىمدارىنىڭ زاڭدى كاسىپكەرلىك قىزمەتىنە كەدەرگى جاساۋ ماقساتىندا ءوزىنىڭ قىزمەتتىك وكىلەتتىگىن پايدالاندى دەگەن كۇدىككە ءىلىندى.
«قارامىرزاەۆ كونكۋرستىڭ جەكەلەگەن قاتىسۋشىلارىنىڭ بىلىكتىلىك تالاپتارىنا سايكەس كەلمەيتىنىن جانە مۇناي-گاز سالاسىنداعى جۇمىس تاجىريبەسى تۋرالى جالعان قۇجاتتار ۇسىنعانىن بىلە تۇرا, ولاردى تەندەرگە قاتىستىرعان. ولاردىڭ مۇددەلەرىن قولداۋدى جالعاستىرا وتىرىپ, ول «كەزبي» جشس-ءنى كومپانياسى ءۇشىن ۇڭعىمالاردى جەراستى جوندەۋ بويىنشا كورىنەۋ قولايسىز شارت جاساسۋعا ءماجبۇر ەتتى», دەلىنگەن حابارلامادا.
ءوزىنىڭ زاڭسىز ارەكەتتەرىمەن ول «كەزبي» جشس-ءنىڭ زاڭدى مۇددەلەرىنە ەلەۋلى زيان كەلتىرىپ, مىڭنان استام قىزمەتكەردىڭ قۇقىقتارىن بۇزدى, سونداي-اق مەردىگەر ۇيىمداردىڭ ەڭبەك ۇجىمدارىندا الەۋمەتتىك شيەلەنىس تۋدىردى.
«قر قپك 201-بابىنىڭ نەگىزىندە وزگە اقپارات جاريا ەتىلمەيدى», دەپ قوستى ۆەدومستۆو ءباسپاسوز قىزمەتى.